2 3 4 5 6 7 8 9 10

Friday, May 24, 2013

မဇ္ဈိမ .. ♫

[ ♫ ထူးအိမ်သင် ]

ဘုရားပြစ်မှားသူ မာရ်နတ် မြေမျို မမျို ( ဘာသာရေး အမေး၊ အဖြေများ )

မေး။        ။ မြတ်စွာဘုရား၏ အသက်ကို လုပ်ကြံသူ ဒေ၀ဒတ် မြေမျို၍ အ၀ီစိကျရ၏။ လူပုံအလယ်၌ မြတ်စွာဘုရားကို အရှက်ခွဲသည့် စိဉ္စမာနလည်း မြေမျို၍ အ၀ီဝိသို့ ကျရ၏။ သို့ရာတွင် လက်ရုံး တစ်ထောင် ဖြင့် မြတ်စွာဘုရားအား စစ်ခင်းကာ အစဉ်နှောင့်ယှက်နေသူ မာရ်နတ်မှာ အဘယ်ကြောင့် မြေမျို၍ ငရဲမကျ ပါသလဲ အရှင်ဘုရား ဖြေကြားပေးတော်မူပါဘုရား။

ကိုဟန်ဝင်း
၅၇၄၊ လှိုင်သဇင်လမ်း
၁၂ ရပ်ကွက်၊ လှိုင်မြို့နယ်၊ ရန်ကုန်။

ဖြေ။       ။ မာရ်နတ်သည် နတ်ပြည်ခြောက်ထပ် အထက်ဆုံး ၀သ၀တ္တီနတ်ဘုံမှ ဖြစ်၍
တန်ခိုးလည်း ကြီးမား သည်။ ထိုတန်ခိုးကြီးနတ်ဘုံသားတို့သည် မိမိတို့ နတ်ဘုံမှအပ
အခြားလူ့ပြည်စသည်တို့၌ စုတေသေလွန် ရသော ထုံးစံမရှိ။ မိမိတို့ နတ်ဘုံမှာသာ စုတေရမြဲ ဖြစ်သည်။ ထို့ကြောင့် မာရ်နတ်သည် မြတ်စွာဘုရားအား ပြစ်မှားသော်လည်း မြေမျိုခြင်း စသော
လူ့ဘုံ၌ဖြစ်သည့် ဘေးဒုက္ခနှင့် စုတေကွယ်လွန်ရခြင်းမျိုး မဖြစ်ဟု မှတ်ရာ၏။
သို့သော် ယင်းအကုသိုလ်ကံများကြောင့် ၀သ၀တ္တီနတ်ပြည်သို့ပြန်၍ သက်တမ်းမကုန်မီ ဖြစ်စေ၊
အသက်တမ်းကုန်၍ ဖြစ်စေ ကွယ်လွန်၍ အ၀ီစိငရဲသို့ ဖြစ်စေ၊ အ၀ီစိနှင့်အလားတူသော
ငရဲသို့ ဖြစ်စေ ကျရောက်ရပေလိမ့်မည်။
            သာဓကမှာ ဒူသီ မည်သော မာရ်နတ်သည် ဤကမ္ဘာ၌ အစဦးဆုံးပွင့်တော်မူသော
ကကုသန် မြတ်စွာဘုရား၏ လက်ယာတော်ရံ အရှင်ဝိဓုရအား ဦးခေါင်းကွဲအောင် နှိပ်စက်၍
ကကုသန်မြတ်စွာဘုရားက "ဤ ဒူသီမာရ်နတ်သည် မိမိ၏ အတိုင်းအရှည်ကို မသိစွတကား" ဟု
မိန့်တော်မူ၏။ ထိုအခါ မာရ်နတ်သည် မိမိအား မြတ်စွာဘုရား သိတော်မူပြီဟု ၀သ၀တ္တီ
နတ်ပြည်သို့ ပြန်သွား၏။ နတ်ပြည်သို့ရောက်၍ မကြာမီပင် နတ်သက်တမ်းကြွေကာ ဆဖဿာတနိယ
ငရဲကြီးဟူ၍လည်းကောင်း၊ သင်္ကုသမာဟတ ဟူ၍လည်းကောင်း ပစ္စတ္တဝေဒနီယ ဟူ၍
လည်းကောင်း သုံးမည်ရသော ( အ၀ီစိတမျှ ဒုက္ခခံစားရမှု ပြင်းထန်ဆိုးဝါးလှသည့် )
ငရဲ ၌ ဖြစ်ရလေသည်။ 
( အကျယ် မူလသဏ္ဏာသ၊ မာရတဇ္ဇနီယသုတ်၊ မဟာ ဗုဒ္ဓ၀င် တတိယ ၆၆၆ )

 ဘာသာရေး ပြဿနာ အမေးအဖြေများ
ရဝေထွန်း ( မြတ်မင်္ဂလာ )

ကြည်ညိုဖွယ်ရာ သံဃာရတနာနှင့် ဓမ္မမှတ်စုများ ( ကဆုန်လပြည့်နေ့ ဓမ္မဒါန )




သမဏာနစ္စ ဒဿနံ *မှတ်သားမိသော ကျက်ပွားးမိသော*
ယုံကြည် ကျန်းမာ၊ ဖြောင့်စင်းစွာဖြင့်၊ ပြင်းစွာအားထုတ်၊ နာမ်နှင့်ရုပ်ကို၊ ဖြစ်ချုပ်ဉာဏ်မြင်၊ ဤငါးအင် အမှန်ပင် မဂ်ရကြောင်း။

ဆန္ဒကို သိက္ခာနှင့် ထိန်းပါ။ (ဖြောင့်စင်းဖို့ ပြောတာပါပဲ)

စကားလုံးနဲ့ တရားသား ကွဲအောင်သိပြီလားလို့ ကိုယ့်ကိုယ်ကို ပြန်လည် စစ်ဆေးရမယ်။ ကွဲပြားအောင် ကိုယ့်သန္တာန်မှာ သိမှ ကျင့်လို့ရမှာ။

တရားမနာ၊ စာပေမသင်၊ နှုတ်တွင်မဆောင်၊ သိအောင်မမှတ်၊ ပဋိပတ်ကွာ၊ ဤငါးဖြာ သာသနာ ကွယ်ကြောင်းတည်း။

တရားနာတဲ့အခါမှာ အဓိကက မာန မခံရဘူး။ ငါသိပြီးသားလို့ မလုပ်ရဘူး။

အိုခြင်းတစ်ဖြာ၊ နာခြင်းတစ်ထွေ၊ သေခြင်းတစ်ခြား၊ ကွဲပြားတစ်တန်၊ ကံလျှင်ဥစ္စာ၊ ဤငါးဖြာကို၊ မကွာရက်ဆက်၊ ဆင်ခြင်အပ်၏။

သာသနာမှာ လာဘ်လာဘ အပူဇော် ဆိုတာက အခက်အရွက်၊ သီလမှာ သောင်တင်တယ် ဆိုတာက အပွေး၊ ကမ္မဋ္ဌာန်းတွေမှာ မြဲတာက အခေါက်၊ အဘိဉာဉ်တန်ခိုးပါ ရတဲ့ ပုဂ္ဂိုလ်ကျတော့ အကာပဲ ရှိသေးတယ်တဲ့ နားလည်မလား၊ ဒါဖြင့် အဓိက အနှစ်က ဘာကိုခေါ်လဲ ဆိုတော့ အချိန်မရွေးနော် လွတ်မြောက်ဖို့ ကြိုးစားတဲ့.. လွတ်မြောက်ဖို့ကို ဘုရားက လိုချင်တာ.. နားလည်ပြီလား.. အချိန်မရွေး ကာလမရွေးမှာ ဉာဏ်တည့် လွတ်မြောက်ဖို့ သဘောတရား ရဖို့သာ အနှစ်သာရ..

ကိုယ်လိုချင်တာကို တကယ်ပေးနေ၊ ကျွေးနေတာက ကုသိုလ်ဓါတ်၊ ငါလုပ်လို့ ငါစီမံလို့ ရတာမဟုတ်။

*မိုးကုတ် ဆရာတော်ဘုရား*

တရားတွေ နားလည်လာတဲ့အခါ၊ သူတော်ကောင်း ဖြစ်လာတဲ့အခါ အားလုံးကို အရှုံးပေးရတော့တယ်။ *စွန်းလွန်း ဆရာတော်ဘုရား* (ဒီ အဆုံးအမလေးကတော့ ဒေါက်တာမင်းတင်မွန်ရဲ့ အဘိဓမ္မာသင်တန်း တရားတော်များကနေ မှတ်သားမိတာပါ။)

မိမိဥစ္စာ၊ သူ့ဟာဖြစ်လို၊ မေတ္တာပို၊ ကြည်ညိုလေးစား၊ ပေးစွန့်ငြား ထူးခြားမြတ်ဒါန။ *ယောဆရာတော် ဘုရား*

အချိန်တိုင်း တွေးနေရင်း ဘ၀ပြောင်းနေသည်။ *ပိုင်းလော့ ဆရာတော်ဘုရား*

နိဗ္ဗာန်လိုချင်ရင် သူများအတင်း မပြောနဲ့၊ ချမ်းသာလိုချင်ရင် သူများအတင်း မပြောနဲ့။
*ထွဋ်ခေါင်ဆရာတော်ဘုရား*

အရင်ကကောင်းလို့ ခုကောင်းတယ်၊ ခုကောင်းရင် နောင်ကောင်းပါလိမ့်မယ်။ အရင်ကဆိုးလို့ ခုဆိုးတယ်၊ ခုဆိုးရင် နောင်ဆိုးပါလိမ့်မယ်။ အရင်ကဆိုးလို့ ခုဆိုးတယ်၊ ခုကောင်းရင် နောင်ကောင်းပါလိမ့်မယ်။

သံယောဇဉ်ဆိုတာ ဘယ်ဟာလဲလို့ သဘာဝသိအောင် ရှာလိုက်စမ်းပါ၊ ဖြစ်ပြန် ပျက်ပြန် လောကဓံအရှိကို သဘောဥာဏ် မမိတဲ့ နှောင်အိမ်ကြီးပါ။ (ဒီအဆုံးအမလေးကိုတော့ ဓမ္မစေတီ ဆရာတော်ဘုရားရဲ့ တရားတစ်ပုဒ်ကနေ မှတ်သားဖြစ်ခဲ့ တာပါ။)

အဆင်မပြေဘူးဆိုတာ စေတနာအထား မှားနေလို့ပါ၊ ပြင်လိုက်ပါ။
ဝီရိယအား လျော့လာတဲ့အခါ သဒ္ဓါတရားနဲ့ လွှမ်းမိုးပါ။
သီလမှာ ဣန္ဒြိယသံဝရ သီလက အမြတ်ဆုံး။ မိမိရဲ့ မျက်စိ၊ နား၊ နှာ၊ လျှာ၊ ကိုယ်၊ စိတ်ကို စောင့်ရှောက်တာ..။

အိုနာသေသို့ မောင်းနှင်ပို့ လူတို့မမြဲပါတကား၊
ခိုကိုးရာမဲ့ တွယ်ရာမဲ့ အားနွဲ့လှချေပါတကား၊
ကိုယ်ပိုင်ဥစ္စာမရှိပါ ထားကာသွားရ မှာပါတကား၊
လိုမပြည့်ဝ အားမရ တဏှာ့ကျွန်ချည်းပါတကား။

တို့အားလုံးဟာ သေဖော်သေဖက်တွေပဲ၊ မသေခင်ခဏ တွေ့ကြရတာ၊ ချစ်ချစ်ခင်ခင် နေနိုင်ကြပါစေ၊ ရင်ထဲအေးကြပါစေ။

တွေးချင်တာတွေးခွင့် ရှိပါတယ်။ ဒါပေမယ့် တွေးပြီးကြံပြီးတိုင်း အချိန်နဲ့အမျှ ပြီးဆုံးသွားတယ် ဆိုသော်လည်းပဲ အသွေးအသား၊ ရိုးတွင်းချဉ်ဆီအထိ ကိန်းသွားပြီး တစ်ချိန်မှာ အကျိုးပေးတော့မယ် ဆိုတာတော့ သိထားသင့်ပါတယ်။

Monday, May 20, 2013

မဃဒေ၀လင်္ကာ ဆုံးမစာများ ( ၉ )


         တရားမကြိုက်၊ လျှာဒုစရိုက်နှင့်၊ လူမိုက်တသောင်း၊ ခြီးမွမ်းရှောင်းလည်း၊ သူကောင်းတယောက်၊ ပြစ်တင်ကြောက်လော့ ၊ ရှေ့နောက်မဆ၊ လူ့ဗာလတို့၊ ဂုဏဒေါသ၊ နှစ်ဝကျိုးပြစ်၊ စိစစ်မြော်မြင် ၊ မဆင်ခြင်ဘူး၊ ဆိုချင်မက်မော၊ ဆိုလျှင်ဆောဖြင့်၊ သဘောအလိုက်၊ တုတ်နှင့်ရိုက်သို့၊ သူမိုက်ခြီးမွမ်း၊ ဂုဏ်နာနွမ်း၏၊ ၀မ်းမမြောက်သာ၊ ဤလူ့ရွာဝယ်၊ ကျွမ်းဝင်ရာညွတ်၊ ကြိုက်ရာနတ်နှင့်၊ မမှတ်ဂုဏ်ဝါ၊ ထူး မရှာဘူး၊ ကြည်ညို ရာမြတ် ၊ ချစ်ရာတတ်၏၊ ဆတ်ဆတ်ဧကန်၊ မှန်သည်မယှိ၊ လူ့ထုံး သိလော့၊ လောကီလူတမ်း၊ လူ့နှုတ်ခမ်းကား၊ ခြီးမွမ်းကဲ့ရဲ့ ၊ ဖြစ်တတ်ခဲ့ရှင့်၊ ပြစ်ဘွဲ့ကြည်ညို ၊ ပြောကြ ဆိုလည်း၊ ပြောဆိုသူနှင့် ၊ နှိုင်းကာ ချင့်တည့်၊ ယခင့်ထိုသူ၊ ယုတ်မြတ်ဟူလည်း၊ အယူတူမျှ၊ ကြည်ညိုကြ၏၊ လူမျှသည်သာ၊ မဟုတ်စွာသေး၊ သူရာ သုရ၊ သင်္ဂါမနှိုက်၊ သက္ကဣန္ဒာ၊ ဝေစိတ္တာတို့၊ သုဘာသိတ၊ ဆိုကုန်ကြသော်၊ ဗာလတို့အား၊ ဒဏ်ထားကြီးစွာ၊ ပြုအပ်ရာဟု၊ အသုရာ မင်း ၊ ရှေးဦးကျင်း၍၊ ဆိုလျှင်းသော့ခါ၊ အသုရာတို့၊ လွန်စွာရွှင်ပျို့ ၊ နှစ်လို့ကုန်ကြ ၊ ဒေ၀အများ၊ ၀တိန်သားမူ၊ နားနှိုက် မသာ၊ ခါးကြစွာ၏၊ ထိုဗာလအား၊ ဒဏ်မထားဘဲ၊ သိကြားသူဇံ၊ နတ်ဘုန်းလျှံက၊ သည်းခံအပ်စွာ၊ ဆိုသော့ခါနှိုက်၊ ၀တိန်သာသား၊ နတ်အများတို့၊ ရွှင်အားညီညာ၊ ကောင်းခြီးငြာ၏၊ အသုရာသား၊ အောက်နတ် များကား၊ တရားမဲ့ဘိ၊ လိုမယှိ၍၊ တုဏှိဘာဝ ၊ နေကုန်ကြရှင့်၊ ဓမ္မ အဓမ္မ၊ သဘာဝနှိုက်၊ ဟိန ဥက္ကဌ်၊ ယုတ်မြတ် ပုဂ္ဂိုလ်၊ အလိုနှစ်တို့၊ မတူတို့ဘူး၊ ဤသို့ခြင်းရာ၊ ၀တိံမှာလည်း၊ ၀တိံသာသား၊ တပါးအောက်ရွာ၊ အသုရာမှာ၊ အသုရာများ ၊ နှစ်ပုံခြား၍၊ ဓာတ်အားလျော်ရာ၊ ကြိုက်ကြစွာ၏၊ ပညာမဲ့ထ၊ ဗလလူကို၊ ခြီးမွမ်းဆိုသော်၊ ထိုသူဗာလ ၊ ကဲ့ရဲ့ ကလည်း ၊ မုချ ပဏ္ဍိ၊ အမှန်သိရှင့်၊ မှတ်ဘိအဟုတ်၊ လူ အစုတ်နှိုက်၊ သူယုတ်သဘော၊ ဓာတ်မနှော၍၊ မြတ်သောသူကို၊ မကြည်ညိုဘူး၊ အလိုစက္က၀ါ၊ ဝေးကြကွာ၏၊ သမ္မာမိစ္ဆာ၊ ဤနှစ်ဖြာကား၊ ဘယ်ခါသော်မှ၊ မတူကြ တည့်၊ မမျှကျိုးပြစ် ၊ ကျောက်စရစ်နှင့်၊ ဖေါ့နှစ် သွေးသီ၊ ရေနှင့်ဆီသို့၊ မညီစင်စစ်၊ ပေါ်နစ် ဆန်မျော၊ မနှီးနှောသည် ၊ သဘောအောက်ထက် ကြေညာတည်း။

❁ မန်လည်ဆရာတော်ဘုရားကြီး ❁
မဟာသုတကာရီ မဃဒေ၀လင်္ကာ ပုတ္တောဝါဒခဏ်း

မြတ်စွာဘုရားတို့ သက်တမ်းနှင့် အသင်္ချေအကြောင်း ( ဘာသာရေး အမေး၊ အဖြေများ )


မေး။    ။ အရှင်ဘုရား
    မြတ်စွာဘုရားတို့၏ သက်တမ်းသည် အမြဲတမ်း တစ်သိန်းတန်းတွင် ပွင့်ကြပါသည်။ နောင်ပွင့်မည့် အရိမေတ္တယျ မြတ်စွာဘုရား လည်း တစ်သိန်းတန်းတွင် ပွင့်မည်ဟု သိရပါသည်။ ဂေါတမမြတ်စွာဘုရား တစ်ဆူတည်းသာ အသက်တစ်ရာ တန်းမှာ ပွင့်တာ ဘာကြောင့်ပါလဲဆိုတာ သိလိုပါသည်ဘုရား။ ထို့ပြင် လေးသင်္ချေနှင့် ကမ္ဘာတစ်သိန်း စသော အရေအတွက် များကို ယခုခေတ် ကွန်ပျူတာစနစ်နှင့် အတိအကျ တွက်ချက်၍ ရနိုင်၊ မရနိုင်သိလိုပါသည်။                                          

ဖြေ။    ။ ပထမ ကကုသန်မြတ်စွာဘုရားသည် လေးသောင်းတန်းတွင် ပွင့်တော်မူသည်။ ကောဏဂုံ မြတ်စွာဘုရား သည် သုံးသောင်းတန်းတွင် ပွင့်တော်မူသည်။ ကဿပ မြတ်စွာဘုရားရှင်သည် နှစ်သောင်းတန်းတွင် ပွင့်တော် မူသည်။ ဂေါတမ မြတ်စွာဘုရားသည် အစဉ်အတိုင်းဆိုက တစ်သောင်းတန်းတွင် ပွင့်ရမည် ဖြစ်သည်။ သို့သော် လူတို့ အနှစ် တစ်သောင်းတန်း အခါ၌ ဂေါတမမြတ်စွာဘုရားအလောင်းတော်မှာ ပါရမီပြည့်ရန် လိုသေး၍ မပွင့်နိုင်ဘဲ ရှိခဲ့သည်။ ထို့နောက် နှစ်တစ်ရာတန်းကျမှ ပွင့်တော်မူသည်ဟု ဆိုပါသည်။
     နောင်ပွင့်မည့် အရိမေတ္တေယျ ဘုရားရှင်မှာ အနှစ် ရှစ်သောင်းတန်းတွင် ပွင့်ပါမည်။ မြတ်စွာဘုရားတို့သည် အာယုဝေ မတ္တ ( အသက် အတိုအရှည်ကွာခြားမှု ) ရှိသဖြင့် သက်တမ်း မတူကြပါ။ လေးသင်္ချေနှင့် ကမ္ဘာ တစ်သိန်း စသည်မှာ မြတ်စွာဘုရားတို့၏ သဗ္ဗညုတ ဉာဏ်အရာသာ ဖြစ်ပါသည်။ အရှင် သာရိပုတ္တရာ စသည် တို့ပင် တစ်သင်္ချေမျှသာ မြင်နိုင်ပြီး အရှင်အနုရုဒ္ဓါ စသော သာဝကတို့ပင် ကမ္ဘာ တစ်သိန်းသာ မြင်နိုင်သည်။ ထို့ကြောင့် အသင်္ချေ ဆိုသည်ကို မည်သည့် ကွန်ပျူတာနှင့်မျှ တွက်ချက်၍ ရနိုင်ဖွယ် မရှိပါ။

ဦးတိလောကဿရ
မြတ်မင်္ဂလာ ဘာသာရေး အမေးအဖြေများ


Sunday, May 19, 2013

ဘာသာတရား လိုက်နာကျင့်သုံးခြင်း၏ ရည်ရွယ်ချက် ( အပိုင်း - ၅ ) နိဂုံးပိုင်း


အဲဒီလို ကံတရားတွေကို အပြောင်းအလဲလုပ်ဖို့ မြတ်စွာဘုရားထံ ဘာသာတရား ကျင့်သုံးတာလားဆိုတော့ မဟုတ်ဘူး။ အဲဒီတော့ ဗုဒ္ဓဘာသာတွေ ၀န်ချတောင်းပန် တယ်ဆိုတာက တိုးလာမယ့် အကုသိုလ်တွေကို မတိုးအောင်လုပ်တာ။ အဲဒီ အကုသိုလ်ကို ၀ိပ္ပဋိသာရဇ အကုသိုလ်လို့ ခေါ်တယ်။ ၀ိပ္ပဋိသာရဇ ဆိုတာ နှလုံးမသာမယာ ဖြစ်နေခြင်းကြောင့် ဖြစ်ပေါ် လာတဲ့ အကုသိုလ် တရားတွေ မဖြစ်အောင်တားတာ။ အာရမ္ဘဇကို တားတာ မဟုတ်ဘူး။ အာရမ္ဘဇ ကို တားတယ်ဆိုရင် အဓိပ္ပါယ်မရှိဘူး။ ဘာဖြစ်လို့တုန်းဆိုတော့ လုပ်ပြီးသားဟာ လုပ်ပြီးသား ဖြစ်နေလို့ပဲ။ လုပ်ပြီးသားကို ပြန်ဖျက်လို့ မရဘူး။ ဒီ အဓိပ္ပါယ်ကို ဆိုလိုတယ်။
    အဲဒီတော့ ဒီမှာ သုခဝေဒနီယ၊ ချမ်းသာတဲ့ အကျိုးကို ပေးတဲ့ ကံတရားကို ဆင်းရဲတဲ့ အကျိုးပေးတဲ့ ကံတရား အဖြစ် ပြောင်းလဲဖို့ ဘာသာတရားကို လိုက်နာတာလားဆိုရင် အဖြေက “မဟုတ်ဘူး”။ ဆင်းရဲတဲ့ အကျိုးပေးတဲ့ ကံတရားကို ချမ်းသာတဲ့ အကျိုးပေးတဲ့ ကံတရားအဖြစ် ပြောင်းလဲဖို့ ဘာသာတရားကို လိုက်နာကျင့်သုံးတာလား ဆိုရင်လည်း အဖြေက “မဟုတ်ဘူး” တဲ့။ ဒီ အဖြေကို ဖြေတယ်။
    နောက်တစ်စုံက ဘာလဲလို့ဆိုရင် ( ၃ ) ပရိပက္ကဝေဒနိယ နဲ့ အပရိပက္ကဝေဒနိယ တဲ့။ ပရိပက္က ဆိုတာ ရင့်ကျက်တယ်။ ရင့်ကျက်ပြီး ကံတရား၊ ရင့်ကျက်ပြီးလို့ အကျိုးပေးတော့မယ့် ကံတရား။ အပရိပက္ကဝေဒနိယ ဆိုတာ မရင့်ကျက်သေးလို့ အကျိုးမပေးသေးတဲ့ ကံတရား၊ အဲဒီ ( ၂ ) ခုကို အပြောင်းအလဲလုပ်ဖို့ ဘာသာတရားကို လိုက်နာ ကျင့်သုံးတာလားတဲ့။ ရင့်ကျက်ပြီးတဲ့ ကံတရားကို မရင့်ကျက်သေးတဲ့ ကံတရားအဖြစ် ပြောင်းလဲဖို့၊ မရင့်ကျက်သေးတဲ့ ကံတရားကို ရင့်ကျက်တဲ့ ကံအဖြစ် ပြောင်းလဲဖို့ ဘာသာတရားကို ကျင့်သုံးရတာလားလို့ မေးတယ်။ ရှင်သာရိပုတ္တရာက “မဟုတ်ဘူး ငါ့ရှင်” တဲ့။ အဲဒါ အတွက် ကျင့်သုံးတာလည်း မဟုတ်ဘူးတဲ့။

ဝေစု




ဝေစု- Ration ၏ သ ဘောသဘာဝကို ငယ်စဉ်တောင် ကျေး ကလေးဘဝကပင် ကျွန် တော် ရိပ်စားမိခဲ့ပါသည်။ ဆိုကြ ပါစို့။ ကျွန်တော်တို့အိမ်မှာ အမဲ သားဟင်းချက်သည့်အခါ ကျွန် တော့်အတွက် အမဲသားဟင်း သုံး တုံးရသည်။  ကျွန်တော်၏ ညီမ ငယ်က နှစ်တုံးရသည်။ အမေနှင့် အဖေကတော့ အမဲသားဟင်းတုံး ဝေစု ဘယ်ရွေ့ဘယ်မျှ ရကြသည် မသိ။ အဖေသည် အမဲသားဟင်း တုံးကြီးများကို တစ်တုံးပြီးတစ်တုံး ကိုက်ခဲဝါးမျိုနေလိုက်သည်မှာ အ ဆက်မပြတ်ဖြစ်သည်။ သူက အမဲ သားဟင်းတုံးကြီးတွေကို ပလုတ် ပလောင်း ကိုက်ဝါးမျိုသွင်းနေစဉ် ကျွန်တော့်မှာ ကိုယ့်ဝေစုကလေးကို ပွတ်ကာ သပ်ကာ တို့ကာ ဆိတ် ကာနှင့် ချွေချွေတာတာ စားနေခဲ့ ရပါသည်။ ကျွန်တော့်စိတ်ထဲမှာ တင်းတိမ်သွားသည်ဟူ၍မရှိ။ ဝအီ ပြည့်တင်းသွားသည်ဟူ၍လည်းမရှိ။ အမေ့ထံမှာ အမဲသားဟင်းတုံး ထပ်တောင်းလိုသော်လည်း မ တောင်းဝံ့ခဲ့ပါ။
   ''ငါ့ကျတော့ သုံးတုံးပဲရ တယ်။ အဖေ့ကျတော့ ကိုးတုံး ဆယ်တုံးမကဘူး'' ဟု မွေးသဖခင် ကျေးဇူးရှင်ကြီးကို ဝန်တိုအမျက် ထွက်လိုက်မိပါသေးသည်။ မိသား စုကို သူကပင်ပန်းခက်ခဲစွာ ရှာဖွေ ကျွေးမွေးနေမှန်းတော့ ကျွန်တော် သတိမရနိုင်ခဲ့။ သြော်- မလိမ်မိုး မလိမ္မာ သူငယ်နှပ်စားကလေးအ ရွယ်ပေကိုး။ တစ်ခါတော့ အဖေ့အ လစ်၌ အမေ့ဆီမှာ အသားဟင်းတုံး ကပ်တောင်းနေစဉ် အဖေ သိသွား ပြီး အော်လိုက်ပါသည်။
''ဟေ့- ထပ်မပေးနဲ့။ ဒါ ဝေပုံကျပဲ''

Recent Posts

လစဉ်အလိုက် တင်ခဲ့သော ပိုစ့်များ

Popular Posts

မြန်မာ့မြေ

erer-outer'>