ကော်ဖီကြိုက်သူ

ငါ့အတွက် ပျားရည်မလိုပါဘူး..
ဝမ်းချပေးမယ့်အစား.. အချိုမကြိုက်တဲ့ ငါ့အတွက်..
ခုမနက် စနေမိုးအေးအေးမှာ.. ခါးစိမ့်စိမ့် ကော်ဖီတစ်ခွက်သာပေးပါ
ငါ့ အတွေးတွေ အမြဲလတ်ဆတ်နေဖို့ လေ..။

nanda

သို့...သူငယ်ချင်း

အေးအတူ..ပူအမျှ
ကောင်းအတူ..ဆိုးအတူရယ်လို့
မတိုင်ပင်ထားပါပဲနဲ့
ဖြူစင်တဲ့စိတ်ဓာတ်လေးတွေကိုယ်စီနဲ့
တယောက်ကိုတယောက်ဖေးမလို့
ဘ၀ရဲ့အစိတ်အပိုင်းတချို့ကို
အပူပင်ကင်းကင်းနဲ့
ကျော်ဖြတ်ခဲ့ဖူးပါတယ်..

မဃဒေ၀လင်္ကာ ဆုံးမစာများ ( ၃ )

     ပျော်ကြူးလေဘင်၊ တလွင်လွင်နှင့်၊ လူတွင်ဉာဏ်မဲ့၊ ကျိုးမဟဲ့ဘူး၊ အကဲ့လည်းကောင်း၊ တောမြောက်ပေါင်းတို့၊ ဥက္ခောင်း ခြေလက်၊ မျက်ခွက်မျက်နှာ၊ ပမာတမူ၊ လူနှင့်တူလည်း၊ လူသို့ပညာ၊ မယှိပါ၍၊ အိမ်ရာ တင်းကုပ် ၊ ဆောက်လုပ်သေသတ်၊ မပြုတတ်ကြောင့်၊ မိုးစွတ်နေပူ၊ မဟူစပါ ခံရစွာ၏။ ပညာပြည့်ကြွယ်၊ စာသူငယ်မူ၊ ဆန်းကြယ် ရိပ်မြုံ၊ သိုက် အအုံနှင့်၊ မိုးလုံ နေလွတ်၊ ပူမစွတ်ဘဲ၊ ကြည်ဆွတ်ချမ်းမြ၊ ခိုလုံရ၏၊ ဗာလပဏ္ဍိ၊ ထူး သတ္တိ ကို ၊ နှိုင်းညှိဉာဏ်တွင်၊ သိထင်မြင်လော့၊ တွင်း, ပြင်,နီးဝေး၊ လွန်ရှုပ်ထွေးခဲ့၊ ပြည်ရေး မင်းရေး ၊ ပေါက်နှင့်ကျေး တည့် ၊ ကျေးလည်း စိမ်းစိမ်း၊ ပေါက်စိမ်းစိမ်းသို့၊ မှတ်ထိမ်း ဥပမာ၊ မှုရေးရာကို၊ ပညာယှိမြတ်၊ များ မှူးမတ်နှင့်၊ မပြတ်တိုင်ပင်၊ ညှိဆင်ခြင်လော့၊ အကြင်လူနှိုက်၊ စရိုက် မိုက်ထိုင်း၊ ဇာတိ ရိုင်းကား၊ ဗျိုင်း သူတော်ယောင် ၊ ကြောင် သူတော်တု၊ ကျင့်ပြုတတ်စွ၊ အပေါ်လှလည်း၊ အပ ဈေးသုံး၊ ရွှေရောင် ဖုံးလျက် ၊ ကြေးတုံးပမာ၊ များကြစွာ၏၊ နွယ်လာ အရိုး၊ အမျိုးမတူ၊ အယူမမျှ၊ ၀ါဒညစ်ညမ်း၊ လူစိမ်းရွမ်းကို၊ ကျွမ်းမ၀င်ရာ၊ ကျွမ်းဝင်ပါက၊ ပျက်တတ်လှ၏၊ အန္ဓ အသွင်၊ မမြင်ကျိုးကြောင်း၊ ခြွေရံပေါင်းနှင့်၊ မကောင်းမိတ်ဆွေ၊ တူနေရောထွေး၊ ယခင့်ရှေးက ၊ မြေခွေး ပုတ်သင်၊ ကျွမ်းဝင်သွေးညှိ၊ လိုက်မှားမိ၍၊ ဗောဓိသတ္တ၊ ဘုရာ့အလျာ၊ သမ္ဘာမှည့်ဝင်း၊ သမင်မင်းနှင့်၊ ဖွတ်မင်း ငုံးမင်း၊ ခိုမင်းဂီဝါ၊ ရွှေဟင်္သာက၊ မဟာကပိန္ဒ၊ စသည်ခပင်း လောင်းတော်မင်းတို့ ၊ ကျော့ကွင်းပိုက်မိ၊ ဘေးကြီး ထိ၏၊ မှတ်ဘိမြဲးယုံ၊ ဘ ကြေးမုံလည်း၊ ရေးပုံတမူ၊ မှတ်နည်းယူ၍၊ လူတွင် လူမိုက်၊ မကြိုက်သုစရိ၊ မယှိပညာ၊ သူယုတ်မာကို၊ သဟာကျွမ်းဝင်၊ မပြုချင်နှင့်၊ ဂုဏ်အင်ယုတ်နွမ်း၊ ကျေးကျွန်သွမ်းနှင့်၊ မင်းသွမ်းကျင့်မူ၊ သဘောတူက၊ ပြည်သူအများ၊ မစီးပွားခဲ့၊ ပြည်အားမဲ့စွာ၊ ဖြစ်သောခါလည်း၊ မင်းပါလုံးဓွန်း၊ ပြည်နစ်မွန်း၍ ထီးနန်းကွယ်ပျောက် သုညာတည်း။

❁ မန်လည်ဆရာတော်ဘုရားကြီး ❁
မဟာသုတကာရီ မဃဒေ၀လင်္ကာ ပုတ္တောဝါဒခဏ်း

အညာမြေတောင်တန်းဆီသို့ နှုတ်ဆက်မှတ်တမ်း

စစ်ကိုင်းတိုင်းထဲဝင်ပါပြီဆို ကတည်းက သတိထားမိတယ်။ စစ်ကိုင်း မုံရွာ တစ်ကြောက တောတောင်ပေါတဲ့ အရပ်ပဲ။ 
ကျွန်မတို့ အညာဘက်ကလို တောင်တွေရှိပြီး ကတုံးဖြစ်နေတာမျိုးမဟုတ်ဘဲ တောင်တိုင်းက စိမ်းညို့ပြီးလှနေတယ် 
မိုးရေလေးကလည်း ဖြန်းထားပြန်တော့ အဝေးကနေလှမ်းကြည့်ရင် ရေညှိလေးတွေ ပုံထားသလိုပဲ ...

ရန်ကုန်ကနေ မနက်ကားစီးလာတာဆိုတော့ စစ်ကိုင်းတံတားကို ဖြတ်တဲ့အချိန်က အလင်းရောင်ကောင်းကောင်း
ရှိသေးတယ်။ စစ်ကိုင်း တံတားပေါ်က လှမ်းကြည့်လိုက်တော့ တောင်လေးတစ်တောင်တည်းမှာ စေတီတွေ
အများကြီးနဲ့ စစ်ကိုင်းတောင်ရိုးက တစ်ကယ်ကြည်နူးစရာကောင်းနေတယ်။

မိုးရာသီ တိမ်ညိုတိမ်မည်းတွေအောက်မှာ ခရီးသွားရတာလည်း ရသ တစ်မျိုးပဲ။ မိုးသားမည်းမည်းတွေက
ကျွန်မတို့ စီးလာတဲ့ကားနဲ့ အပြိုင် အနိုင်လုပြီးလိုက်နေတယ်။ ရွာချဖို့တော့ မေ့နေတယ်နဲ့ တူပါရဲ့။
ဟိုး လက်ဝဲဘက်ချမ်းမှာတော့ တိမ်မည်းတွေကြားကနေ တောင်တန်းတွေပေါ် နေခြည်တွေဖြာဆင်းနေတယ်။
လက်ယာဘက် ခပ်ဝေးဝေးမှာတော့ တိမ်ညို့ညို့တွေ အုံ့နေပြီး တစ်ချို့နေရာတွေမှာ ကွက်ကြားမိုးကပြိုကျနေတယ်။
ခရီးသွားတိုင်း ဒီလိုပတ်ဝန်းကျင်ကိုမြင်ရင် ဟေမာနေဝင်း ရဲ့သီချင်းချိုချိုလေးနားထဲ တိုးတိုးဝင်လာတယ်။
" မြန်မာ့ရေမြေ သဘာဝ အမြဲလှပနေ ...
တို့ဘိုးဘွား အဆက်ဆက်က ဆင်းသက်လာပေ .."
နှုတ်ကလည်း အလိုလိုညည်းမိသွားတယ်။
ဟုတ်ပါတယ်။ တကယ်ကို လှပါတယ်။

ရေသံသရာ

မိုးသံလေသံကြားတော့ စိတ်က အိမ်ကိုရောက်သွားမိတယ်။
အိမ်မှာ ရှေးရေဒီယို အဟောင်းကြီးတစ်လုံးရှိတယ်။
အသံလှိုင်းမိပြီး ငြိမ်နေပြီဆိုရင် အနားနားကို လူကိုယ်တိုင် ထိုင်ပြောနေသလား ထင်ရတယ်။

 နှစ်ပေါင်းကြတော့ ၀ါယာတွေပျက်တာပျက်၊ ခလုတ်တွေချောင်နဲ့ ခုတော့ မကောင်းတော့ပါဘူး။ 

ကလေးဘ၀တုန်းကတော့ နားထောင်စရာ ဒါပဲရှိတာဆိုတော့ ဟိုလှည့်သည်လှည့်နဲ့ ဖွင့်နားထောင်ခဲ့ဖူးတယ်။
တေးလက်ဆောင်ကဏ္ဍတို့ စတာတွေလာရင် ခုလို မိုးဦးကျ၊ မိုးတွင်းတွေဆို တိမ်တမန် သီချင်းလာတတ်တယ်။

 အဖေက အညာသားမို့လားမသိ။ မိုးရွာတာမြင်ရင် စိတ်ပျော်တယ်ထင်တယ်။ 

“ရွာပါစေ ဒါမှ လယ်သမားတွေ စိတ်ချမ်းသာကြမှာ.. ဆန်ရေစပါးပေါများမှာ..” လို့ ပြောတတ်တယ်။ 

ကျွန်တော်တို့နယ်ဘက်က လယ်ယာစိုက်ပျိုးရေး ဖြစ်ထွန်းတော့ အများစုက စိုက်ပျိုးရေးအတွက် မိုးကိုမျှော်ရတယ်။
စာဖွဲ့ကြတာတော့ အသူရာနဲ့သိကြားစစ်ခင်းတယ်တဲ့။ ဂျိုးတဂျိမ့်ဂျိမ့် အသံကြားရင် မိုးသက်လေရနံ့က 

လူကို လန်းဆန်းစေတာတော့ အမှန်ပါ။ ဘုရားရှင်တို့
အာနုဘော်ကြောင့်ရွာတဲ့ စိုစွတ်စေလိုသူကို စိုစေပြီး၊ မစိုစွတ်လိုသူတွေကို မိုးရေမစိုတဲ့
ပေါက္ခရ၀ဿ မိုးဆိုတာလည်း ကြားဖူးသေးတယ်။ ဒီဘ၀တော့ ကြုံရမှာလည်း မဟုတ်ပါဘူး။

မိုးမိလိုက်တာနဲ့ ကြွက်စုတ်ဖြစ်တာချည်းပါပဲ။သဘာဝနဲ့လောကသရုပ်ကို မြင်မြင်ထင်ထင် 

အတွေ့အရအများဆုံးဟာ မိုးအခါပဲ။ ရာသီသဘာဝကိုက မိုးရွာပြီဆိုရင် အသံပါတယ်၊

 အေးတဲ့အထိအတွေ့ပါတယ်၊ လေမှာ မိုးနံ့ ရေခိုးရေနံ့လည်းပါတယ်၊ အသံဗလံကတော့ အစုံပဲ။
ပြီးတော့ ဆက်စပ်ပြီး ပန်းတွေပွင့်တော့မယ် အပင်တွေ အညွှန့်အဖူးတွေ
လှိုင်တော့မယ် ဆိုတဲ့ စိတ်အသိကလည်း ပါတယ်။ ညကျရင်လည်း ဖားတွေ အော်ပါလိမ့်မယ်။

ချစ်ဖွယ်ရိုး

ဟိုးမှာ..
မိုးပြာကိုလှမ်း၊ တိမ်မတန်းကို
ဖက်နမ်းတောင်ခိုး၊ သားလူဆိုးကြောင့်
ရိုးကား ရင်တုန်နေရော့မည်..။

ဟိုးမှာ
တောင်ခိုးကဖက်၊ တိမ်မ ရှက်လို့
မျက်နှာဝှက်သတဲ့၊ ရှိုက်လျက်နှင့်ညား
ရိုးကား ရင်ခုန်နေရော့မည်..။

ဟိုးမှာ..
တိမ်နှင့်တောင်ခိုး၊ မေတ္တာနိုး၍
မိုးကိုမွေးဖွား၊ သူ့မြေးသားကြောင့်
ရိုးကား ပျော်ရွှင်နေရော့မည်..။

တိမ်နှင့်တောင်ခိုး၊ ရိုးမိသားစု
ပျော်ရွှင်မှုမှ၊ ယခုတို့ရွာ
ရတနာဟု၊ ဖွေရှာထုတ်လှစ်
ရွှေကျွန်းသစ်နှင့်၊ ၀ါးမျှစ်မကျန်
ပေါပြည့်လျှံသည်
မြန်မာပြည်၏ ချစ်ဖွယ်ရိုး…။

( ရိုး = ရိုးမတောင်တန်းကြီးများ )

ပြင်စည်အောင်