2 3 4 5 6 7 8 9 10

Wednesday, June 24, 2015

ဘ၀အတွက် မေတ္တာစာစုများ


မေတ္တာသည် သူတစ်ပါးအား ပေးကမ်းရန် အဖိုးတန်ဆုံး လက်ဆောင်ဖြစ်၏။
ချစ်ခင်ကြင်နာမှုကို ရရှိဖို့ လူတစ်ဦးစီ၏ အပူတပြင်းလိုအပ်ချက်ကို ကျေနပ်နှစ်သိမ့်စေနိုင်ရန်
မေတ္တာတရားဖြင့် ကျွန်ုပ်တို့ အနွေးဓာတ်ပေးနိုင်ပေ၏။
မိမိကိုယ်တိုင်က ချစ်ခင်ပြီး မိမိအားလည်း ပြန်လည်ချစ်ခင်ခြင်း ခံရသောသူတို့သည်
အချစ်မေတ္တာကင်းဝေးနေသူတို့ထက် ပို၍ပျော်ရွှင်ချမ်းမြေ့ကြ၏။
မေတ္တာတရားကို ကျွန်ုပ်တို့က ပြန်လည်ပေးကမ်းနိုင်လေလေ
အပြန်အလှန်အားဖြင့် မေတ္တာကို များများပြန်ရလေလေဖြစ်၏။
ဤကား အကြောင်းနှင့်အကျိုးဟူသော ထာဝရနိယာမနှင့်အညီ ဖြစ်ခြင်းပေတည်း။
ဗုဒ္ဓမြတ်စွာ၏ တရားတော်အရ မေတ္တာစိတ်ဓာတ်သည် ကောင်းသောအလုပ်ထက်ပင် ပို၍ အရေးကြီး၏။ 

ချစ်ခြင်းဟူသော ဝေါဟာရသည် လူအမျိုးမျိုးအဖို့ရာဝယ် အဓိပ္ပါယ်အမျိုးမျိုးရှိနိုင်၏။
ဗုဒ္ဓမြတ်စွာ၏ ချစ်ခြင်းဟူသည်မှာ မေတ္တာကိုဆိုလို၏။ မေတ္တာတရားသည် လူတစ်ယောက်၏
တောင့်တမှုကို ကျေနပ်နှစ်သိမ့်စေလိုသော အာသီသဖြင့် အခြားပုဂ္ဂိုလ်တစ်ဦး သို့မဟုတ် အရာဝတ္ထုတစ်ခုကို 

တပ်မက်တွယ်တာခြင်း မဟုတ်ချေ။ မေတ္တာသည် သက်ရှိသတ္တ၀ါအားလုံးသို့
လွတ်လပ်စွာ စီးဆင်းသွားသော အဆုံးမရှိသည့် အကြင်နာတရားဖြစ်သည်။ 
မေတ္တာနှင့်အကြင်နာတရားကို သွန်းလောင်းနိုင်ဖို့အတွက် လက်ဆောင်ပစ္စည်းများ ပေးကမ်းရမည်ဟု မဆိုလိုပါ။

 နူးညံ့သိမ်မွေ့၍ ဖေးမကူညီလိုသော စိတ်ဓာတ်ကို သွန်းလောင်းပေးခြင်းသာ ဖြစ်၏။
အကြင်နာတရားသည် မျက်စိကန်းသူတို့က မြင်နိုင်ပြီး နားမကြားသူတို့လည်း ကြားသိနိုင်သည့် ဂုဏ်ရည်တစ်ရပ် ဖြစ်သည်။
...
[ Ref: How to Live Without Fear and Worry / Dr.K Sri Dhammananda ]


ကမ္ဘာသစ် မြန်မာ Fan Page

Tuesday, June 23, 2015

မေတ္တာတွဲသော ပေးခြင်း၊ လှူခြင်း ( ယော ဆရာတော် )



(၁) ကိုယ့်ကျေးဇူးရှင်
(၂) အတူနေသူ
(၃) မိတ်ဆွေ
(၄) ကောင်းမှုမျိုးစေ့ ကြဲဖြန့်ရာ အကျင့်သိက္ခာ ကြီးသော သူတော်ကောင်း
(၅) ခိုကိုးရာမဲ့သူ စတဲ့
ပေးသင့်သူတွေ အတွက် ပေးတဲ့ လှူတဲ့ နေရာမှာ သူတို့ဆီက ဘာတစ်ခုမှ မျှော်လင့် မထားပဲ မေတ္တာစစ်စစ်နဲ့ ပေးတတ်ရမယ်။ သဒ္ဓါ၊ မေတ္တာ၊ ပညာ မွှမ်းထုံ ထားတဲ့ စေတနာအား ကောင်းရမယ်။ သဒ္ဓါ ပညာ ကောင်းမှ ကိုယ့်အတွက် ရအောင် ယူတတ်မယ်။ သူ့ဆီက ပေးမှာ မဟုတ်ပဲ ကိုယ့် စေတနာ ကသာ ပေးမှာ ဖြစ်လို့ ကိုယ့် စေတနာကိုသာ အစွမ်းကုန်သန့်စင် မြှင့်တင် ပေးရမယ်။ လိုချင်တဲ့ လောဘကင်းမှ ဒါမှမဟုတ် မလိုချင်မှ အကျိုးပေး ဖွံ့ဖြိုး ကြီးကျယ်မယ်လေ။ ပေးသင့်တဲ့ သူတွေထဲမှာ ဘယ်သူ့ကိုပဲ ပေးပေး သန့်စင် အေးမြတဲ့ မေတ္တာစစ်စစ်နဲ့ ပေးရမယ်။ လူ့ဘဝမှာ ကုသိုလ်တရားဟာ အဖိုးအတန်ဆုံး ဖြစ်လို့ ကုသိုလ် ရနိုင်သည်ထိ မေတ္တာကို မြှင့်ပေးမှ ကိုယ့်မေတ္တာ အထွတ်အထိပ် ရောက်နိုင်မယ်လေ။ ဒါမှရတဲ့ ကုသိုလ်လည်း အထွတ်အထိပ် ရောက်မှာပါ။ ဒါကြောင့် ပေးတိုင်း လှူတိုင်း မေတ္တာ လွှမ်းခြုံ မွှမ်းထုံ ပေးရမယ်။ ပစ္စည်းနှင့် လူထိတော့ သတိလွတ်ရင် လောဘ ဝင်တတ်တယ်။ လောဘ အလို မပြည့်ရင် ဒေါသမီးပါ တောက်လောင်လာတတ် ပါတယ်။ ဒီတော့ ရရှိလာတဲ့ ပစ္စည်းကြောင့် မပြေမလည် ဖြစ်လို့ အပူသာ တိုးလာ တတ်တယ်။ ချမ်းသာ ပျောက်လို့ ဆင်းရဲရောက် တတ်တယ်။ ဒါကြောင့် မေတ္တာ ဖြန့်ထားရတယ်။ “ငါတို့ ပေးတဲ့၊ လှူတဲ့ ဒီပစ္စည်းနဲ့ ပစ္စည်း လက်ခံသူ ထိတွေ့သွားရင် လောဘ စတဲ့ အပူတွေ မငြိပါစေနဲ့၊ ကုသိုလ်ရရှိ တိုးပွား လာနိုင်လောက်အောင် နှလုံး စိတ်ဝမ်း အေးချမ်းပါစေ။ ဒီပစ္စည်းရဲ့ တန်ခိုး အရှိန်အဝါ စွမ်းအားကြောင့် ဘဝရဲ့ အနှစ် ကုသိုလ်တွေ တိုးပါစေ၊ ကုသိုလ် ကောင်းကျိုးတွေ ရရှိ တိုးပွားပါစေ၊ ချမ်းသာပါစေ။ ဒီပစ္စည်းကို လှေခါးထောင်၊ ငြမ်းဆင်လို့ ကုသိုလ် ပန်းတိုင် အရောက် တက်လှမ်း နိုင်ပါစေ။ ပစ္စည်း ကိုင်ထား မေတ္တာပွားလို့ အများ ကောင်းကျိုး ရအောင် စွမ်းဆောင် ပေးနိုင်ပါစေ။ ဒီမေတ္တာ စွမ်းကြောင့် ကုသိုလ် ထပ်တိုးလို့ ကောင်းကျိုး ဖွံ့ဖြိုးပါစေ၊ ချမ်းသာပါစေ” လို့ ကုသိုလ်နဲ့ အထွတ်တင်ပြီး မေတ္တာဓါတ်တွေ လွှမ်းခြုံ ပေးရမယ်။ သူရော ကိုယ်ပါ ရေတွက် မရအောင် များလှတဲ့ ကောင်းကျိုး စွမ်းအားတွေ ရလာမှာ သေချာ ပါတယ်။ မေတ္တာလည်း ပိုမြင့်မား သွားမယ်လေ။

~ အရှင် သိရိန္ဒာဘိဝံသ ( ယောဆရာတော် )

Monday, June 22, 2015

သတ္တ၀ါ အနန္တ ( ဘာသာရေး အမေး၊ အဖြေများ )


မေး။    ။ အရှင်ဘုရား
      မြတ်စွာဘုရား တစ်ဆူလျှင် ဝေနေယျသတ္တ၀ါပေါင်း ၂၄ သင်္ချေ၊ ကုဋေ ခြောက်ဆယ်၊ ဗိုလ်ခြေတစ်သိန်း ကျွတ်တမ်းဝင်အောင် တရားဓမ္မ ဟောပြခဲ့သည်ဟု ဖတ်ရှု မှတ်သားရပါသည်။ ထို့သို့ဆိုက နောက်လာမည့် ကမ္ဘာ အသင်္ချေ၌ ဂင်္ဂါဝါဠု သဲစုမက ပွင့်တော်မူကြမည့် ဘုရားရှင်တို့က ဤမျှ များပြားသော သတ္တ၀ါတို့ကို ချွတ်သွားကြလျှင် သတ္တ၀ါများ ကုန်ခန်း၍ သွားစရာသာ ရှိပါသည်။ အကယ်၍ သတ္တ၀ါများ ကုန်ခန်းသွားလျှင် နောက်ထပ်သတ္တ၀ါများ မည်သို့ ဖြစ်လာနိုင်မည်ကို သိလိုပါသည် ဘုရား။
                                                                                              မောင်လှဝေ၊ မိတ္ထီလာမြို့။

ဖြေ။    ။ ဗုဒ္ဓစာပေတွင် အနန္တလေးပါးဟု ရှိပါသည်။ အဆုံးအပိုင်းအခြား မရှိ။ မကုန်နိုင်၊ မခန်းနိုင်သော အရာများဟု ဆိုပါသည်။ ၎င်းမှာ ( ၁ ) အာကာသ အနန္တ၊ ( ၂ ) စက္က၀ါဠ အနန္တ၊ ( ၃ ) သတ္တ၀ါ အနန္တ၊ ( ၄ ) ဉာဏ်တော် အနန္တ ဟူ၍ ဖြစ်ပါသည်။ ကောင်းကင်ကြီးကို ဤ၍ ဤမျှကျယ်သည်ဟု တိုင်းတာ၍မရ။ စကြ၀ဋ္ဌာ ဤမျှ များသည်ဟု ရေတွက်၍မရ။ သတ္တ၀ါ ဤမျှ အရေအတွက်ရှိသည်ဟု ဂဏန်းချပြ၍မရ။ မြတ်စွာဘုရားရှင်တို့၏ ဉာဏ်တော် ဤ၍ ဤမျှ ကြီးကျယ်သည်ဟု နှိုင်းယှဉ်၍ မရ။



    ဤတွင် သတ္တ၀ါ အနန္တကို ဆိုရသော် သတ္တ၀ါတို့တွင် လူသတ္တ၀ါသည် အနည်းဆုံးပင် ဖြစ်သည်။ ဤကမ္ဘာ တွင် ကြည့်လျှင် လူဦးရေသန်းပေါင်း ၇၀၀၀ ဟုဆိုသည်။ တိရစ္တာန်တစ်မျိုး၏ အရေအတွက်မျှပင် မရှိသေး။ ပုရွက်၊ ခြပုန်း စသော တိရစ္တာန်များ နှိုင်းယှဉ်၍လည်းကောင်း၊ အ၀ီစိ ငရဲကြီးတွင် အကြားမရှိ တည်နေသော သတ္တ၀ါတို့နှင့် ယှဉ်၍ လည်းကောင်း ကြည့်နိုင်သည်။ ထို့အတူ အသင်္ချေပေါင်းများစွာသော နတ်ဗြဟ္မာများလည်း ရှိသေးသည်။ သံသရာ ရှည်လွန်းလှ၍သာ ဘုရားပေါင်း ဂင်္ဂါဝါဠု သဲစုမကဟု ဆိုရသည်။ ဘုရားတစ်ဆူ တစ်ဆူ ပွင့်ဖို့ရာကလည်း ကမ္ဘာအသင်္ချေ တွက်ရေမှန်းဆ ဂဏန်းချ၍ မပြီးအောင် စောင့်ရပါမည်။ ထို့ကြောင့် သတ္တ၀ါတွေ ကုန်ခန်းသွားလိမ့်မည်ဟု ကြံစည်မိခြင်းပင် လွန်လှပြီ။ သတ္တလောက၌ သတ္တ၀ါများ မည့်သည့်အခါမှာမျှ ကုန်ခန်းသွားလိမ့်မည် မဟုတ်ဟု မှတ်သားသင့်ပါသည်။


ဦးတိလောကဿရ 
( မြတ်မင်္ဂလာ ဘာသာရေး အမေးအဖြေများ )
ကမ္ဘာသစ် မြန်မာ Fan Page



Sunday, June 21, 2015

အိမ်ရဲ့အရိပ်

အိမ်ရဲ့အရိပ်


ထမင်းစားဝိုင်းက
လစ်လပ်နေတဲ့ သမီးနေရာလေးကို ငေးလို့
သမီးအကြောင်းတွေတွေးရင်း
အထီးကျန်နေပြီလား ... ဖေဖေ ။

အိမ်ရဲ့အဝေးမှာ
အဖေ့လက်တစ်စုံလို
အပြည့်အဝ ခိုလှုံလို့ရနိုင်တဲ့နေရာ
ဘယ်မှာမှရှာမတွေ့ခဲ့ဘူး ... ။

ကော်ပတ်တစ်ခုလို ကြမ်းတမ်းနေတဲ့
ဖေဖေ့လက်တွေဟာ
အနစ်နာခံခြင်း အကြောင်း
တစေ့တစောင်း ပြောပြနေကြတယ် ... ။

အဖေ့ပိုက်ဆံအိတ်ထဲမှာ ...
အရောင်မှိန်မှိန် မိသားစုဓာတ်ပုံလေးနဲ့
သမီးအကြောင်း အမှတ်တရတွေသာရှိခဲ့ ... ။

အဖေ့လွယ်အိတ်လေးထဲမှာ ...
ခပ်နွမ်းနွမ်း ဗလာစာအုပ်တွေနဲ့
အဖြူရောင် စေတနာတွေသာရှိခဲ့ ... ။

ဖေဖေ ...
မြေဖြူတစ်တောင့်ကို လက်မှာဆုပ်ကိုင်ပြီး
ဘဝ အခက်အခဲတွေထဲ
တိုက်ပွဲဝင်ခဲ့သူ ... ။

ဖေဖေ ...
သမီးဘဝကို အကောင်းဆုံး မြှင့်တင်ဖို့
ကိုယ့်ဘဝကိုယ် ချနင်းခဲ့တဲ့သူ ... ။

ဖေဖေ ...
အေးစက်နေတဲ့ညတွေမှာ
အနွေးဆုံးစောင်တစ်ထည်ထက်
သမီးအပြုံးကိုပဲ ခြုံချင်ခဲ့တဲ့သူ ... ။

ဖေဖေရေ ...
အခုအချိန်တွေမှာ
လစ်လပ်နေတဲ့ သမီးနေရာလေးကို ငေးလို့
အထီးကျန်နေပြီလား ... ။

သမီးအတွက်တော့
အိမ်ရဲ့အဝေးမှာ
ဖေဖေ့လက်တစ်စုံလို
အပြည့်အဝ ခုံလှုံနိုင်တဲ့နေရာ
ဘယ်မှာမှရှာမတွေ့ခဲ့ပါဘူး ... ။

ကောင်မလေး 13



အဲဒါ ငါ့အဖေ ( လယ်တွင်းသား စောချစ် )



           ကျွန်တော်ငယ်ငယ်က အဖေ ကျွန်တော့်ကို သိပ်ချစ်တယ်။ အဖေလည်း ကျွန်တော့်ကို သိပ်ချစ်ခဲ့ ပါတယ်။ ကျွန်တော်တို့သားအဖ ဆက်ဆံရေးက ပျော်စရာ၊ ကြည်နူးစရာပါ။ အခု ကျွန်တော်ကြီးလာပြီးမှ ခပ်မှန်မှန် ခပ်တန်းတန်း ဆက်ဆံရေး ဖြစ်သွားတာပါ။
            အထူးသဖြင့် ကျွန်တော်ဆယ်တန်းအောင်ပြီး တက္ကသိုလ်ရောက်မှ ခုလို အဆင်မပြေ ဖြစ်သွားတာပါ။
ကျွန်တော်ငယ်ငယ်က အဖေကားမ၀ယ်နိုင်သေးဘူး။ သံချည်သံကွေး သံပန်း ကိုယ်ပိုင်လုပ်ငန်းတော့ရှိပြီ။ ကျွန်တော် ကျောင်းသွားရင် အဖေ့ပခုံးပေါ် ခွစီးသွားရတယ်။ အဖေက ကျွန်တော့်လွယ်အိတ်ကိုလွယ်ပြီး ကျွန်တော့် ထမင်းဘူးလေးကို ဆွဲထားသေးတယ်။ အဲဒီရက်တွေကို ကျွန်တော်မမေ့နိုင်ဘူး။ သိပ်သဘော ကျတယ်။ အမှန်အတိုင်းပြောရရင် အဲဒီအချိန်မှာ ကားနဲ့ကျောင်းသွားတဲ့ လူတွေကို အားမကျမိဘူး။ အဖေ့ ဂုတ်ပေါ်ခွစီးပြီး အားလုံးကို အမြင့်ကြီးကနေ ကြည့်ရမြင်ရတာ သဘောကျတယ်။ ကားလေးတွေကိုလည်း အဖေ့ပခုံးပေါ်ကနေ ကျွန်တော်ငုံ့ကြည့်ရတယ်။
 အဖေက ဆယ်တန်းမအောင်ခဲ့ဘူး။ ၇ တန်းအထိပဲကျောင်းနေခဲ့ရတယ်။ ဒါတောင် တောရွာကအလယ်တန်း ကျောင်းမှာ ၇ တန်းအောင်ပြီး ဆင်းရဲလို့ ကျောင်းဆက်မနေနိုင်တာနဲ့ ကြုံရာကျပန်း ရရာအလုပ်ကို လုပ်ရတယ်။ နောက်မှ ရန်ကုန်က ဦးလေးတစ်ယောက် အဆက်အသွယ်နဲ့ သံချည်သံကွေးသံပန်းလုပ်ငန်းတစ်ခုမှာ အလုပ်ရတယ်။ လုပ်ရင်းလုပ်ရင်းနဲ့ လုပ်ငန်းကျွမ်းကျင်ပြီး လခကောင်းကောင်းရလာတယ်။ အရွယ်လေးရတော့ လုပ်ငန်းရှင်က အားကိုးရတဲ့ သံချည်သံကွေး၊ သံပန်း သံတံခါးဆရာ ဖြစ်လာတယ်။
            ငွေကလေးစုမိတော့ အဖေက ကိုယ်ပိုင်လုပ်ငန်းခွဲထောင်တယ်။ အမေနဲ့အိမ်ထောင်ကျတော့ အဖေက ကိုယ်ပိုင်လုပ်ငန်းနဲ့ ဖြစ်နေပြီ။ အဖေက ကျွန်တော့်ကို သူ မအောင်ခဲ့တဲ့ ဆယ်တန်း ကို အောင်စေ ချင်တယ်။ သူ မတက်ခဲ့ရတဲ့ တက္ကသိုလ်ကို တက်စေချင်တယ်။
            ကျွန်တော်ဆယ်တန်းကို ဂုဏ်ထူး ၃ ဘာသာနဲ့အောင်တယ်။ အဖေ၀မ်းသာလွန်းလို့ အိမ်မှာ လူတွေ ကို ဖိတ်ပြီး ကျွေးမွေးဧည့်ခံတယ်။ ကျွန်တော့်ကိုလည်း ဆုတွေပေးတယ်။ ကျွန်တော် လည်း ပျော် တာပေ့ါ။ အဲဒီအထိ အဖေနဲ့ကျွန်တော် အဆင်ပြေပါတယ်။

ကမ္ဘာ့ဖခင်နေ့



စိတ်ထဲချမ်းမြေ့၊ ဖခင်နေ့ကို
မမေ့မလျော့၊ ညီ မပေါ့ဟု
ရတနာ သုံးဖြာ
ဆရာ မိဘ၊ ငါးပဉ္စ၌
ဖခင်ပါဝင်၊ ကျေးဇူးရှင် ဟု
မိသားစုတိုင်း
ကိုင်းရှိုင်းကြည်ဖြူ၊ ဆရာတစ်ဆူ ဟု
စားဝတ်နေရေး၊ ရှုပ်အထွေးကို
ဖြေပေးတတ်သူ၊ ရှင်းတတ်သူဟု
မိသားစု၌၊ သုခဒုက္ခ
ကြုံလာရသော်
ဖခင်မရှောင်၊ သူဦးဆောင် ဟု
သနားသည်းခံ၊ ဆင်ခြင်ဥာဏ်နှင့်
အားမာန်လွှင့်ထူ၊ ပြုတတ်သူဟု
ယူဆသေချာ၊ စွဲမြဲလာသည်
ညီမျှပွားများ၊ ဖခင်တရား။     ။

ဇော်ဂျီ
ဇွန်လ၊ ၁၉၈၇
ဇွန်လ တတိယပတ်၊ တနင်္ဂနွေနေ့တွင် ကျရောက်သော ကမ္ဘာ့ဖခင်များနေ့ အထိမ်းအမှတ် ကဗျာ


Recent Posts

လစဉ်အလိုက် တင်ခဲ့သော ပိုစ့်များ

Popular Posts

မြန်မာ့မြေ

erer-outer'>