2 3 4 5 6 7 8 9 10

Wednesday, March 27, 2019

သည်မီးအိမ်

သည်မီးအိမ်


တို့ရင်ထဲဝယ်
ဆွဲချိတ်တည်ငြိမ်၊ ၀င်းလဲ့ထိန်သော
မီးအိမ်ကလေးရှိပါသည်။

မုန်တိုင်းတိုက်တိုက်၊ မိုးမိုက်မိုက်လည်း
စိုက်စိုက်ရှေ့မှ၊ လမ်းကိုပြသည်
ဝင်းပရွှန်းထိန်၊ သည်မီးအိမ်။

ကျားရဲလှုပ်လှုပ်၊ တောအုပ်အုပ်သည်၊
မဆုတ်အံတင်း၊ လမ်းပြထင်းသည့်
ဝင်းလဲ့ရွှန်းထိန်၊ သည်မီးအိမ်။

ရေစီးသန်သန်၊ လှိုင်းထန်ထန်လည်း
မာန်တင်းဝံ့ရဲ၊ လမ်းပြမြဲတည့်
လင်းမြဲလင်းထိန်၊ သည်မီးအိမ်။

သည်မီးအိမ်ကြောင့်
မနှောင့်ခရီး၊ ရှေ့သို့နီးခဲ့
မိုးမည်းမုန်တိုင်း လွန်ခဲ့သည်။

သည်မီးအိမ်ကြောင့်
မထောင့်တို့လမ်း၊ ရှေ့သို့လှမ်းခဲ့
ဆူးပြွမ်းခလုတ် ကျော်ခဲ့သည်။

သည်မီးအိမ်ကြောင့်
မကြောင့်စိတ်ထဲ၊ ၀ံ့ဝံ့ရဲခဲ့
ကျားရဲတောအုပ် လွန်ခဲ့သည်။

သည်မီးအိမ်ကြောင့်
မထောင့်ခရီး၊ တဆစ်နီးခဲ့
လှိုင်းကြီးရေဆန် ကျော်ခဲ့သည်။

ဒုက္ခပြွမ်းတီး၊ တို့ခရီးဝယ်
မညည်းမစိုက်၊ စိုက်စိုက်ရှေ့မှ
လမ်းကိုပြယင်း၊ ရှေ့သို့ချဉ်းခဲ့
လင်းလုအရုဏ်၊ နေခြည်မှုန်စ
အာရုံမင်သက်၊ ရုတ်တရက်လျှင်
မျက်ရည်စို့ဝဲ၊ ရင်ထဲဗြောင်းဆန်
သည်းအူလန်မျှ၊ မီးလျှံရဲရဲ
ရင်မှာစွဲပြီး
ကြေကွဲတသ၊ ကြောင်းမလှလေ
ဝင်းပမီးအိမ် ငြိမ်းခဲ့ပြီတကား။

သြော်.. မီးအိမ်ငြိမ်းပြီ၊ မှန်ပါသည်လည်း
ယုံကြည်မရှိ၊ တို့သာသိ၏
တို့သိသည်လည်း၊ တို့ရင်ထဲ၌
ဆွဲချိတ်တည်ငြိမ်၊ သည်မီးအိမ်
ရွှန်းထိန်ဝင်းပ၊ ထာဝရ
လမ်းပြဦးဆောင်နေဆဲတကား…။

အောင်သန့်


မင့်အိမ် ( ဇော်ဂျီ )




ငါ့ညီပြောင်ဝင်း၊ မောင်သစ်ဆင်း
မင်းက မင့်အိမ်၊ လွန်သေးသိမ်ဟု
မငြိမ်မသက်၊ စိတ်စက် မကောင်း
စိတ်ထောင်း ကိုယ်ကြေ၊ တခွေခွေသည်
နေထိ ကြွေမည့် ပန်းယဉ်အိ..။

လှိုင်း၏အယောင်
ဆောင်ပြိုင် သာမော၊ သူ့အိမ်ချောသို့
စကြောသပ်ရပ်၊ စပယ်ထပ်နှင့်
ပန်းကပ် ပန်းကြွ၊ သူ့အိမ်လှသို့
ဝေးက မျှော်မှန်း၊ မင်း ယော်ယမ်းသည်
ပန်းအိ နေထိ ကြွေတော့မည့်..။

မကောင်း မင့်အိမ်၊ ကောင်း မင့်အိမ်တည့်
မင့်အိမ် ရွှဲစို၊ အမိုးယိုသော်
မငြိုသင့်ပါ၊ မင်း တက်ဖာပေ့ါ
အကာ အခင်း၊ ပျက်ပြိုယွင်းသော်
မငြင်းစေချင်၊ မင်းဆက်ပြင်ပေ့ါ
အခွင် အနဲ့၊ အရွဲ့အစောင်း
မကောင်း မပြေ၊ ဟောင်းထွေထွေကို
အခြေနှင့်မျှ၊ ဉာဏ်ဖြင့်ဆ၍
လုံ့လသက်သွင်း သစ်စေမင်း..။     

ဇော်ဂျီ ( ၁၉၆၈ ) 

သူ့မှာတမ်း



သူတို့အဆုတ်၊ ထားခဲ့မြှုပ်သည့်
ဗုံးငုတ်တိုက်မှား၊ မောင်ပြောက်ကြားကို
ရွာသားရွာသူ၊ မေးကြမြူသည်
အူအူယမ်းငွေ့၊ ထတုန်းတည်း..။

"အမောင်ပြောက်ကျား၊ ချစ်သူအားကို
ဘာများမှာကြားလိုသနည်း"

"ငယ်ကကြင်မြတ်၊ မိသက်မှတ်ကို
ခွင့်လွှတ်ခဲ့ကြောင်း ပြောပါလေ..။

"အမောင်ပြောက်ကျား၊ မိဘအားကို
ဘာများမှာကြားလိုသနည်း"

"မွေးသည့်မိခင်၊ မွေးဖခင်ကို
ဦးတင်ခဲ့ကြောင်း ပြောပါလေ.."

"အမောင်ပြောက်ကျား၊ တိုင်းပြည်အားကို
ဘာများမှာကြားလိုသနည်း"

"ခရီးမတ်တတ်၊ လမ်းခုလတ်တွင်
ကိုယ်လွတ်ရှောင်ခွာ၊ ခွဲရပါ၍
အားနာခဲ့ကြောင်း ပြောပါလေ.."

ယမ်းငွေ့အူအူ၊ တလူလူနှင့်
မေးမြူကြတုန်း၊ အနောက်ကုန်းဝယ်
နေလုံးကွယ်လေပြီတကား ...။

( မင်းသုဝဏ် )



Recent Posts

လစဉ်အလိုက် တင်ခဲ့သော ပိုစ့်များ

Popular Posts

မြန်မာ့မြေ

erer-outer'>