လူတိုင်းလူတိုင်း စိတ်ချမ်းသာ၊ ကိုယ်ချမ်းသာရှိပြီး
ငြိမ်းချမ်းသာယာတဲ့ တိုင်းပြည်နိုင်ငံတစ်ခုဖြစ်ဖို့
ဘာအရေးကြီးဆုံးလဲဆိုတဲ့မေးခွန်းကို အခုတလော အမေးများကြတယ်။ အဖြေတွေလည်း
အမျိုးမျိုး ပေးကြတယ်။ အားလုံးသဘောအကြိုက်ညီဆုံးအဖြေကတော့
အစိုးရကောင်းတစ်ခုရှိဖို့ပဲဆိုတာ ဖြစ်တယ်။
ကိုယ့်အတွက် အကောင်းဆုံးဖြစ်ဖို့ပဲ
အစိုးရကောင်းဆိုတာနဲ့ ပတ်သက်ပြီး အဓိပ္ပာယ်ဖွင့်ဆိုချက်တွေ အများအပြား ရှိနိုင်တယ်။ အမေရိကန်ရဲ့ အစိုးရကောင်းဆိုတဲ့စံနှုန်းနဲ့ တရုတ်ပြည်ရဲ့ အစိုးရကောင်းဆိုတဲ့စံနှုန်း တူချင်မှ တူလိမ့်မယ်။ အလားတူပဲ အိန္ဒိယရဲ့စံနှုန်းနဲ့ ပါကစ္စတန်ရဲ့စံနှုန်းလည်း တူချင်မှတူမယ်။ တစ်ကျောင်း တစ်ဂါထာ၊ တစ်ရွာတစ်ပုဒ်ဆန်းဆိုသလို အမျိုးမျိုး ကွဲပြားခြားနားနေကြမှာပဲ။ ဒီလို ကွဲပြားခြားနားတာ တွေကို ကြည့်ပြီး စိတ်ပျက်စရာ မလိုသလို အငြင်းပွားနေစရာလည်း မလိုဘူး။ ကိုယ့်အခြေအနေနဲ့ ကိုယ့်လိုအပ်ချက်အရ ကိုယ့်အတွက် အကောင်းဆုံးဖြစ်တဲ့ အစိုးရမျိုးဖြစ်ဖို့ပဲ အရေးကြီးတယ်။ မြန်မာ လူမျိုးတစ်ယောက်အဖြစ် နှစ်ပေါင်း (၇၀) တိတိ နေထိုင်လာခဲ့တဲ့ အတွေ့အကြုံအရ ပြောရမယ် ဆိုရင်တော့ တရားဥပဒေကို တိတိကျကျ လေးစားလိုက်နာတဲ့ အစိုးရမျိုးဟာ အကောင်းဆုံးပဲလို့ ပြောရပါလိမ့်မယ်။
