တော်သလင်း လပြည့်နေ့ ( ဂရုဓမ္မအခါတော်နေ့ )

                     “ဂရုဓမ္မ” ဆိုသည်မှာ အလေးအနက်ပြု၍ လေးလေးစားစား စောင့်ထိန်းလိုက်နာအပ်သည့် သီလ တရားဖြစ်သည်။ ရှေးဘုရားလောင်း သူတော်ကောင်းကြီးများ ရိုရိုသေသေ ကျင့်သုံးခဲ့သည့်အတွက် ဂရုဓမ္မတရား ဟု အမည်ရခြင်း ဖြစ်သည်။   

လူသားမှန်လျှင် လိုက်နာကျင့်သုံးရမည့် ဓမ္မတရားဖြစ်သောကြောင့် “ဓမ္မတာသီလ” 
သူတော်ကောင်းတို့ အလေးဂရုထား၍ ကျင့်သုံးအပ်သောကြောင့် “ဂရုဓမ္မသီလ”
စကြာမင်းတို့ ဓမ္မသတ်သဖွယ် ကျင့်သုံးသောကြောင့် “စက္က၀တ္တိဓမ္မသတ်”
ကုရုတိုင်းနေ လူတို့လိုက်နာကျင့်သုံးသော တရားဖြစ်၍ “ကုရုဓမ္မသီလ”
အရေအတွက် ငါးပါးရှိသောကြောင့် “ပဉ္စသီလ”
လူပုဂ္ဂိုလ်တို့ အမြဲနိစ္စစောင့်သုံးအပ်သောကြောင့် “နိစ္စသီလ”
မြတ်စွာဘုရားက ဟောကြားတားမြစ်သောကြောင့် “၀ါရိတ္တသီလ”
အရိယာပုဂ္ဂိုလ်တို့ နှစ်သက်မြတ်နိုးအပ်သောကြောင့် “ အရိယကန္တသီလ”
ကျင့်သုံးအပ်၊ ကျင့်သုံးသင့် ကျင့်သုံးထိုက်သောကြောင့် “သိက္ခာ ပဒသီလ” 

ဟူ၍ အဋ္ဌာကထာဆရာတော်ကြီးများက ဖွင့်ဆိုကြသည်ကို မှတ်သားရပါသည်။

            ‘ဂရုဓမ္မအခါတော်နေ့ “  ကို တော်သလင်းလပြည့်နေ့ ကျင်းပခြင်းမှာ ဂရုဓမ္မဇာတ်တော် ဖြစ်လာပုံ သမိုင်းကြောင်းနှင့် ဆက်စပ်၏။ တော်သလင်းလသည် မိုးရာသီကာလဖြစ်၏။ “တော်သလင်းမိုး ကန်သင်းကျိုး၊ တော်သလင်းနေ ပုစွန်သေ” ဟု ရှေးမြန်မာတို့ ဆိုရိုးစကား ရှိခဲ့၏။

            ဂရုဓမ္မဇာတ်တော်တွင် ကုရုတိုင်းပြည်တွင် ငါးပါးသီလမြဲကြသည့်အတွက် မိုးရွာသွန်းမှု မှန်ကန်ပြီး ကပ်ကြီးသုံးပါးမှ ကင်းလွတ်၍ သာယာဝပြောသည့် နိုင်ငံဖြစ်သည်။ ကာလိင်္ဂတိုင်းမှာမူ မိုးရာသီပင်ဖြစ်လင့်ကစား မိုးခေါင်းပြီး ဆန်ရေးစပါး စိုက်ပျိုးရာတွင် အခက်အခဲများ ကြုံတွေ့ရပြီး လူများ၊ တိရစ္တာန်များပါ အတိဒုက္ခ ရောက်ကြ၏။ ထိုအချိန် ကာလသည် ဗုဒ္ဓဂေါတမ မြတ်စွာဘုရားရှင် နုစဉ်ကာလဖြစ်၏။ ထိုစဉ်က အိန္ဒိယနိုင်ငံ ကုရုတိုင်းတွင် နေကြသူများတွင် အလောင်းတော် ကောရေဗျဘုရင်ကြီးမှစ၍ ပြည့်တန်ဆာမအထိ တစ်တိုင်းတစ်ပြည်လုံး ငါးပါးသီလကို ခါးဝတ်ပုဆိုးကဲ့သို့ မြဲကြ၏။ စောင့်ထိန်းကျင့်သုံးလိုက်နာကြ၏။

            ထိုအချိန်တွင် ကာလိင်္ဂတိုင်း ပြည့်ရှင်ဘုရင်မင်းမြတ်သည် ကုရုတိုင်း၌ မိုးရွာသွန်းပြီး ဆန်ရေစပါး ပေါများခြင်း သည် “အဉ္ဖန၀ဏ္ဏ” ဆင်တော်ကြီးကြောင့် ယူဆကြ၍ ဆင်တော်ကြီးကို ရွှေနှင့်လဲရန် ကိုယ်စားလှယ် စေလွှတ်၏။ ကုရုပြည့်ရှင် ဘုရင်းမင်းမြတ်သည် သီလမြဲသူပီပီ စာနာထောက်ထားကရုဏာပွားကာ “သင်တို့ တိုင်းပြည်မှာ မိုးရွာမည် ဆိုလျှင် ငါ၏ဆင်တော်ကြီးကို ရွှေဖြင့်မရောင်းပါ..အခမဲ့မေတ္တာလက်ဆောင်ပေးပါမည်”  ဟုဆိုကာ ပေးလိုက်၏။ ဆင်ကြီး ရောက်သော်လည်း ကာလိင်္ဂတိုင်းတွင်း မိုးမရွာ၊ ခေါင်မြဲခေါင်နေ၏။

            ထိုအခါ မိုးရွာခြင်း၊ မရွာခြင်းသည် ဆင်နှင့် ပတ်သတ်မှုမရှိကြောင်းသိကြ၏။ သူတို့တိုင်းပြည်တွင် ဘုရင်မှစ၍ တိုင်းသူပြည်သား၊ ပြည့်တန်ဆာမအထိ ငါးပါးသီလ စောင့်ထိန်းကြသည့်အတွက် မိုးလေ၀သ မှန်ကန်သည်ကို မှန်ကန်စွာ သဘောပေါက်နားလည်လာကြ၏။ ကုရုတိုင်းပြည် တစ်ပြည်လုံး သီလမြဲကြသည့်အနက် ရှင်ဘုရင်၊ မယ်တော်ကြီး၊ မိဖုရားကြီး၊ အိမ်ရှေ့ မင်း၊ ပုရောဟိတ်ကြီး၊ မြေတိုင်းအမတ်၊ ရထားထိန်း၊ လယ်ပိုင်ရှင်ကြီး၊ တံခါးမှူးနှင့်ပြည့်တန်ဆာမကို ရွှေပြားပေါ်တွင်ရေး၍ ကာလိင်္ဂတမန်အဖွဲ့က ရယူခဲ့ကြ၏။

            ထိုအချိန်မှစ၍ ဘုရင်ကြီးမှ တိုင်းသူပြည်သားများ ငါးပါးသီလ “ဂရုဓမ္မသီလ”  ကို စောင့်ထိန်းကြသည့်အတွက် တစ်တိုင်းပြည်လုံး မိုးရွာသွန်းကာ ကပ်ကြီးသုံးပါးမှ လွတ်ကင်း၍ သာယာဝပြောသည့် နိုင်ငံဖြစ်ခဲ့၏။ ဂရုဓမ္မ ဇာတ်တော် ပေါ်ပေါက်လာရခြင်းမှာ မိုးတွင်းကာလဖြစ်၍ တော်သလင်းလပြည့်နေ့ကို “ဂရုဓမ္မအခါတော်နေ့”  အဖြစ် ကျင်းပါရခြင်း ဖြစ်၏။

            “သတ်၊ ခိုး၊ ကာမေ၊ မုသား၊ သေ” ငါးမျိုးကို ရှောင်ကျဉ်ခြင်းသည် ငါးပါးသီလ စောင့်ထိန်းခြင်း ဖြစ်၏။ ကမ္ဘာဦး အခါက စတင်ဖြစ်ပေါ်လာသော တရားဖြစ်၍ “ပဝေဏီဓမ္မ” ဟုလည်း ခေါ်သော ငါးပါးသီလသည် ဗုဒ္ဓဘာသာဝင်တို့သာ မက လူမျိုးဘာသာမရွေး စောင့်ထိန်းလိုက်နာသင့်ကြ၏။ ခါးဝတ်ပုဆိုးကဲ့သို့ မြဲသင့်၏။ ငါးပါးသီလ စောင့်ထိန်းခြင်းဖြင့် လူ့အခြေခံ ကျင့်ဝတ်တရားများကို ထိန်းသိမ်းနိုင်ပြီး လောဘ၊ ဒေါသ၊ မောဟ၊ မာန်မာန တရားများ လျော့နည်းကာ အချင်းချင်း တိုက်ကြ၊ ခိုက်ကြ၊ သတ်ကြဖြတ်ကြ၊ ခိုးကြခြင်းတို့ကို ရှောင်ကျဉ်နိုင်သည်နှင့်အမျှ ရွာတွင်း၊ မြို့တွင်း၊ တိုင်းပြည်အတွင်း ငြိမ်းချမ်းသာယာမှုကို ရရှိနိုင်မည် ဖြစ်၏။

            ငါးပါးသီလအဓိပ္ပါယ်ကို ပြည့်စုံအောင်၊ နားလည်အောင်၊ လိုက်နာကျင့်သုံးနိုင်အောင် မိမိတို့ကိုယ်ကို မိမိတို့ တစ်ဦးချင်းက နက်နဲစွာ စဉ်းစားဆင်ခြင်ကြည့်လျှင် အဖြေထွက်ပါ၏။ လိုက်နာကျင့်သုံးရန်သာ အဓိကလိုအပ်ပါ၏။

            ငါးပါးသီလသည် ဗုဒ္ဓဘာသာဝင်တို့အတွက် နား၊ မျက်စိနှင့် တူ၏။ ငါးပါးသီလ ပျက်စီးသူသည် နား၊ မျက်စိ ချို့ယွင်းသူကဲ့သို့ ဆင်းရဲဒုက္ခ ရောက်ရ၏။ စေ့စေ့တွေး ရေးရေးပေါ်သကဲ့သို့  စဉ်းစားတွေးတောပါက အဖြေထွက်ပါ၏။

            ငါးပါးသီလကိုယ်စီမြဲကြသဖြင့် တိုင်းပြည်တွင် မိုးလေ၀သ မှန်ကန်၍ ကပ်ကြီးသုံးပါး ကျော်လွှားလွန်မြောက် နိုင်သည့် ကရုဓမ္မဇာတ်တော်သည် စံနမူနာပြ ဖြစ်ပါ၏။ ငါးပါးသီလမြဲလျှင် တရားရုံးများ၊ အချုပ်ထောင်များပင် မလိုပဲ လူသားတို့သည် ပညာမာန၊ အာဏာမာန၊ ဥစ္စာမာန တို့ကို ချိုးနှိမ်ကာ တစ်ဦးနှင့်တစ်ဦး စာနာကရုဏာတရား ကျင့်သုံးနိုင်ပါက ကမ္ဘာကြီးတစ်ခုလုံး စစ်မီးလျှံကို ရှောင်ရှား၍ ထာဝရငြိမ်းချမ်းရေး ရနိုင်ပါ၏။

            ငါးပါးသီလ အကျိုးတရားများကို ဣတိဝုတ်အဋ္ဌကထာနှင့် ခုဒ္ဒကပါဋ္ဌိအဋ္ဌကထာတို့တွင် အကျယ်တ၀င့် လေလာ့နိုင်ပါ၏။

            မဟာသုဒဿနစကြာမင်းကြီးသည် လေးကျွန်းစကြ၀ဋ္ဌာလှည့်လည်ကာဖြင့် ငါးပါးသီလတရားကို ဓမ္မသတ် သဖွယ် ဟောဆိုညွှန်ပြ ဆုံးမလေ့ရှိ၏။ ငါးပါးသီလမြဲလျှင် အသက်ရှည်စွာ နေရ၏။ သေသည့်အခါ နတ်ပြည်သို့ ရောက်နိုင်၏။ ဘိုးတော်မင်းတရား လက်ထက်က မြန်မာနိုင်ငံတွင် ဤသို့ ဂရုဓမ္မ အမိန့်ပြန်တမ်းကို ထုတ်ဆင့်တော်မူ၏။

            ၁၁၄၆ ခု၊ ဘိုးတော်မင်းတရားလက်ထက် ထုတ်ပြန်သော ဂရုဓမ္မအမိန့်တော် ပြန်တမ်း

ပြည်သူလူတကာ သတ္တ၀ါအပေါင်းတို့ ယခုအခါ ၀ါဆိုကာလ ရောက်ပြီ၊ သူ့အသတ်သတ်ခြင်း၊ သူ့ဥစ္စာခိုးယူခြင်း၊ သူ့အိမ်ရာ ပြစ်မှားခြင်း၊ မဟုတ်မမှန်သော စကားကို ဆိုခြင်း၊ သေရည်သေရက်ကို သောက်သုံးခြင်း တရားငါးပါးကို မကြဉ်မရှောင် ပြုကြကုန်သော သူတို့သည် “ငရဲ တိရစ္ဆာန်၊ ပြိတ္တာ၊ အသူရကာယ်” အပါယ်လေးဘုံ၌ တလူးလာလာ နစ်မွန်း ကုန်ရာ သတည်း။ တရားငါးပါးကို ကြဉ်ရှောင်၍ အလှူပေးခြင်း၊ သီတင်းသီလ ဆောက်တည်ခြင်းကို ပြုသော သူတို့သည် လူ၊ နတ် စည်းစိမ်ချမ်းသာကို ခံစားရ၍ နတ်ရွာနယ်ဗိမာန်ချမ်းသာသို့ ရောက်ရသည်ကို နှလုံးသွင်းလျက် သရဏဂုံသုံးပါး၊ ပဉ္စသီလငါးပါး၊ အဋ္ဌသီလ ရှစ်ပါးတို့ကို မပြတ်ဆောက်တည်ကြကုန်။

            ၀ါဆိုလပြည့် ထုတ်ပြန်သော အမိန့်တော်ကို သက္ကရာဇ် ၁၁၄၆ ခု၊ ၀ါဆိုလဆန်း ၅ ရက်နေ့ ရွှေပြည်တော် မြို့တွင်း မြို့ပြင် လှည့်၍ ဖတ်မြဲဖတ်စေ။ ရွှေပြည်တော်မြို့တွင်း၊ မြို့ပြင် အရပ်ခေါင်းသွေးသောက်ကြီး၊ သွေးဆောင်တို့ကိုလည်း စီရင်စု အရပ်သားတို့ကို ပဉ္စသီငါးပါး၊ အဋ္ဌသီရှစ်ပါး စသော အလှူပေးခြင်းများကို တိုး၍ကျင့်ဆောင်လှူဒါန်းရမည့်အကြောင်းနှင့် မှတ်စုအပ်၍ ကျင့်ဆောင်နှိုးဆော်ကြစေ။ ( ၁၁၄၆ ခု၊ ၀ါဆိုလဆန်း ၁ ရက်နေ့၊ နားခံဇေယျ နော်ရထာတွင်ပြန် )

မှတ်ချက်။            ၁၁၄၆ ခု ၀ါဆိုလဆန်း ၁ ရက်နေ့တွင် နားခံတော်က အတည်ပြု ထုတ်ပြန်သည်။ နှစ်စဉ်ဝါဆိုလဆန်း ၅ ရက်နေ့ရောက်တိုင်း ဂရုဓမ္မ အမိန့်တော်ပြန်တမ်းကို ဆင်ပေါ်တင်၍ လှည့်လည်ဖတ်ကြားစေသည်။

            မင်းတုန်းမင်းကြီးလက်ထက်က ဂရုဓမ္မအမိန့်တော်ပြန်တမ်းကို ဆင်ပေါ်တင်၍ မြို့တွင်း လေးပြင်လေးရပ် လှည့်လည်၍ ငါးပါးသီလ စောင့်ထိန်းကြရန် တိုင်းသူပြည်သားတို့အား နှိုးဆော်လေ့ရှိ၏။

            မျက်မှောက်ခေတ်တွင် မြတ်ဗုဒ္ဓသာသနာတော်သည် နေလိုလလို ထွန်းလင်းတောက်ပလျက်ရှိ၏။ သူတော်စင် အပေါင်းတို့သည် ငါးပါးသီလကို မြဲမြံစွာ ကြိုးစားဆောက်တည်ကြဖို့ လိုအပ်၏။ ကမ္ဘာကြီးတွင် ဘေးဆိုးအန္တရာယ်ဆိုး တို့သည် ကျရောက်လျက်ရှိ၏။ ကပ်ကြီးသုံးပါးမှ ကျော်လွှားလွန်မြောက်အောင် ကြိုးစားသင့်အပ်၏။

            ပါဏာတိပါတ သိက္ခာပုဒ်ကို လုံခြုံအောင် စောင့်ထိန်းသွားလျှင် တစ်ဦးနှင့်တစ်ဦး သတ်ဖြတ်နေသည့် သတ္တန္တရ ကပ်ဆိုးကြီး မကျရောက်အောင် ကာကွယ်နိုင်၏။ သတ္တ၀ါများ အသက်ရှည်ရေးနှင့် ကျန်းမာရေးကို အကူအညီပေးရာ ရောက်၏။

            အဒိန္နာဒါန သိက္ခာပုဒ်ကို လုံခြုံအောင်စောင့်ထိန်းသွားပါလျှင် ငတ်မွတ်ခေါင်းပါးခြင်း၊ ဒုဗ္ဘိက္ခန္တရ ကပ်ဆိုးကြီး မကျရောက်အောင် ကာကွယ်ရာ ရောက်၏။ သတ္တ၀ါအများ စီးပွားရေးနှင့်စိတ်ချမ်းသာရေးကို အကူအညီပေးရာ ရောက်၏။

            ကာမေသု မိစ္ဆာစာရ၊ မုသာဝါဒ၊ သုရာမေရယ သိက္ခာပုဒ်သုံးပါးကို လုံခြုံအောင် စောင့်ထိန်းသွားပါလျှင် ရောဂန္တရ ကပ်ဆိုးကြီး မကျရောက်အောင် ကာကွယ်ရာ ရောက်၏။ သတ္တ၀ါများ သားရေး သမီးရေးနှင့် အိမ်ထောင်ရေးကို အကူအညီ ပေးရာ ရောက်၏။ မုသာဝါဒ သိက္ခာပုဒ်ကို စောင့်ထိန်းခြင်းအားဖြင့် သတ္တ၀ါများ သစ္စာစကားဖြင့် အကူအညီပေးရာ ရောက်၏။

            သို့ဖြစ်၍ ဂရုဓမ္မသီလ တရားကို စောင့်ထိန်းခြင်းဖြင့် ကမ္ဘာကြီးတစ်ခုလုံး အေးချမ်းတည်ငြိမ်ပြီး မြန်မာပြည်ကြီး အေးချမ်းသာယာ၍ စစ်မီးလျှံများ အေးငြိမ်းပါစေကြောင်း မေတ္တာဆုခြွေတောင်းလိုက်ရပါသည်။

ဦးကြိုင်မြင့်

ကျမ်းကိုး - မင်္ဂလာဗျူဟာအသင်းချုပ် ငွေရတုသဘင်စာစောင်

               ဆရာတော်မဂဓီ ( သာစည် ) အခါတော်နေ့များ

ကမ-္ဘာသစ်-မြန်မာ-Fan-Page