လူရယ်လို့ဖြစ်လာရင် စိတ် ခံစားမှုလည်း ဖြစ်ပေါ်တာ သဘာဝပါဘဲ။ အံ့သြမယ် ၀မ်းနည်းမယ်
ဝမ်းသာမယ် ပျော်ရွင်မယ် ကြည်နူးမယ် စိတ်ပျက်မယ်၊ ဒေါသထွက်မယ်၊ နာကျည်းမယ်၊ ခွင့်လွတ်မယ်..။
စိတ်ဆိုတာ ခံစားမှုမျိုးစုံအတွက်ပါဘဲ။
တခုခုကို လိုချင်မက်မောလာတဲ့အခါ ရလာရင်ဝမ်းသာမယ် မရရင် ၀မ်းနည်းမယ်ဒါက သဘာဝပါ။
ရပြီးတဲ့အရာကို ဆုံးရှုံးရမယ်ဆိုရင် ကြေကွဲဝမ်းနည်းမှုက ဘယ်အရာနဲ့မှ လဲလို့မရအောင်ဖြစ်တတ်
ပါတယ်။မိတ်ဆွေရဲ့ ဘ၀မှာကော ဆုံးရှုံးဖူးပါသလား။တကယ်လို့များ ကြုံဖူးခဲ့ရင် ကိုယ့်ကိုယ်ကို
အားပေးတတ်အောင် ကြိုးစားပါ။အဖြစ်ပျက်တွေကို ပထမဆုံးနားလည်နိုင်အောင် ကြိုးစားပါ။
ငယ်ရွယ်ချိန်မှာ ချစ်သူရဲ့ ကွေ့ကွင်းခြင်းကို ကြုံတဲ့အခါ အရွယ်ကငယ်သေးတော့ ထားသွားရက်သူကို
စိတ်ဆိုးဒေါသထွက်မယ် မခံမရပ်နိင်အောင်ဖြစ်မယ် ရင်ထဲမှာဘဲခံစားပါ။ ဒေါသဆိုတာ အပြင်ကို
ထွက်လာရင် အန္တရာယ်များပါတယ်။ကိုယ်မှာ ထားသွားလောက်မဲ့ အကြောင်းတစုံတရာရှိနေမှာပါ။
ဒါမှမဟုတ် သူ့အနေနဲ့ စိတ်ကုန်သွားတာလည်း ဖြစ်နိုင်ပါတယ်။ကိုယ့်ဘက်က ဖြည့်ဆည်းမှု
တခုခုလိုအပ်နေခဲ့ရင်လဲ ဖြစ်နိုင်ပါတယ်။
လူ့အကြိုက်နတ်မလိုက်နိုင် လို့စကားပုံတောင်ရှိသေးတာဘဲ။လိုအပ်ချက်ဆိုတာအမြဲလိုလို ရှိနေ
တတ်ပါတယ်။ တကယ်လို့များနေခဲ့ရတော့မယ် လို့သိလာရရင် သူ့အပေါ်မှာ နားလည်နိုင်အောင်
ကြိုးစားပါလို့တိုက်တွန်းချင်ပါတယ်။ ကိုယ့်ကိုယ်ကို အားပေးပါ။ငါ့ရဲ့ လိုအပ်ချက်တွေကြောင့်
ငါနေခဲ့ရတာပါလား ဆိုပြီး တပါးသူကိုအပြစ်မတင်ဘဲ နေကြည့်ပါ။ ရင်ထဲမှာ ၀မ်းနည်းဆိုနင့်ရပေမယ့်
သူ့အတွက်ကော အဖြစ်အပျက်တွေသိသူတွေအတွက်ကော ထပ်ဆင့်စိတ်မကောင်းမဖြစ်ရအောင်
ကိုယ့်ရဲ့ခံစားမှု တွေကို မြိုသိပ်ပါ။ မြိုသိပ်တတ်ရင် ခံစားတတ်လာမယ် အလွမ်းတွေနဲ့ အသားကျလာမယ်။ အသားကျလာရင် ခံစားမှုတွေ အတွက် ကဗျာတွေစာတွေ ရေးဖြစ်လာမယ်။ သီချင်းတွေ ခံစားတတ်လာမယ်။ နောက်ဆုံး အနုပညာဆန်လာမယ်။သီချင်း ကဗျာ ၀တ္ထု ရုပ်ရှင် စတဲ့ အနုပညာတွေဟာ ငိုခြင်းတွေပါ။ဘယ်လိုအရာဘဲဖြစ်ဖြစ် အလွမ်းတွေကသာ နေရာယူလေ့ရှိပါတယ်။ ဘ၀မှာ လွမ်းဖူးရင်တောင် အလွမ်းဆိုတာဘာလဲဆိုတာ သိရတာပေါ့။ ဒီလို ဆင်ခြင်မိတဲ့အခါ သူ့တပါးကိုလည်း အပြစ်မမြင်တတ်တော့ဘူး။ မိမိရဲ့စိတ်ကိုလည်း အားပေးပြီးသားဖြစ်မယ်။ကိုယ်တိုင်လည်း ရင့်ကျက်လာလိမ့်မယ်။ ဒါက အချစ်နဲ့ပတ်သက်တဲ့ခံစားမှုကို ဖြေလျော့ဖို့ပါ။
ကျနေမယ် အပြစ်တွေဖြစ်နေမယ်ဆိုရင်
ကိုယ့်ကိုယ်ကို လူညံ့စာရင်းထဲကို ထည့်ရမှာ မကြောက်ပါနဲ့။ ဘာဖြစ်လို့လဲဆိုတော့ ကိုယ့်ရဲ့ကြိုးစားအားထုတ်မှုက
လျော့နည်းနေလို့ ဒီလိုနောက်ကောက်ကျရတာပါ။
အလုပ်မှာ စိတ်ပါဝင်စားစွာ ကြိုးစားလုပ်ဆောင်ခဲ့မယ်
ဆိုရင် အချိန်တွေ ရွေ့လျားလာတာနဲ့အမျှ ကိုယ်တိုင်လည်း
နေရာရောက်လာမှာပါ။
အလုပ်ကို မညည်းမညူလုပ်ပါ အလုပ်ဘယ်လောက်များများ ဇွဲမလျော့ဘဲကြိုးစားကြည့်စမ်းပါ..။
အလုပ်ကို အစဉ်တစိုက်လုပ်လာတဲ့အခါ အလုပ်ကို ချစ်တတ်သွားမယ်။ အလုပ်ကို ချစ်တတ်သွားရင်
ဘ၀အတွက် အကောင်းဆုံး အရင်းအနှီး ရသွားပြီ။ တိုးတက်ဖို့ဆိုတာလဲ လက်တကမ်းမှာဘဲ ရှိနေပြီ။
ဒါကြောင့် အလုပ်တွေပင်ပန်းတဲ့ အခါ ကိုယ့်ကိုယ်ကို အားပေးပါ။ လူက ကိုယ့်ကိုယ်ကိုမောင်းရတယ်။
ကိုယ့်ကိုယ်ကို မမောင်းရင် သူများမောင်းတာခံရမယ်။ သူများမောင်းတာကို မခံပါနဲ့
ရှက်စရာကောင်းပါတယ်။ ကိုယ်လုပ်နေတဲ့ အလုပ်တွေက အကျိုးခံစားခွင့်နည်းလည်း ကိုယ့်ဘက်က
ကြိုးစားမှုကို လျှော့ချပစ်လို့မဖြစ်ဘူး။ အလုပ်ကို ကြိုးစားလုပ်တဲ့ ၀သီလေးပါသွားအောင် အလုပ်ကို
တန်ဖိုးထားပြီး လုပ်တတ်တဲ့ အကျင့်ကို မွေးမြူတတ်အောင်လို့ပါ။
တခါတခါမှာ ကြိုးစားမှုတွေကို ဆန်းစစ်တတ်ပါတယ်။ ဘယ်သူ့အတွက်လဲဆိုပြီးတော့ပေါ့။
ကြိုးစားမှုတိုင်းဟာ ကိုယ့်အတွက်မဖြစ်ခဲ့ရင်တောင် ကိုယ့်မိသားစုအတွက် ဖြစ်လာမယ်။
ကိုယ့်ရဲ့ မသိစိတ်ကို ကောင်းသောအကျင့်မွေးမြူပြီးသား ဖြစ်မှာပါ။
တကယ်တော့ လူရယ်လို့ဖြစ်လာကတဲက သူ့တပါးအတွက် ပေးဆပ်ရင်း ကိုယ့်ကိုယ်ကို
အသက်ဆက်နေရတာပါ။ အဆင်မပြေဖြစ်လို့ ၀မ်းနည်းစရာကြုံလာရင်လဲ ဖြေသိမ့်တတ်အောင်ကြိုးစားပါ။ အားပေးပါ။တကယ်တော့ လောကကြီးက ကိုယ့်ကိုနေရာ အဆင်သင့်ပေးမထားဘူး။
ကိုယ်ကကြိုးစားပြီး နေရာယူရတာပါ။ လဲကျမသွားအောင် ထိန်းသိမ်းရင်း ကိုယ့်ကိုယ်ကို
အားပေးရင်း ကြိုးစားလို့လျှောက်လှမ်းကြပါလို့ တိုက်တွန်းချင်ပါတယ်။ ။
လေးစားစွာဖြင့်
ကိုလင်း
No comments:
Post a Comment