ကမ္ဘာကို စိန်ခေါ်ခြိမ်းခြောက်နေတဲ့ မြောက်ကိုရီးယားရဲ့ နျူ

မြောက်ကိုရီးယားနိုင်ငံ၏ အသက်ငယ်ရွယ်သော ခေါင်းဆောင်လေး ကင်ဂျုံအန်- Kin Jong Un သည် မျိုးရိုးစဉ်ဆက် အာဏာအမွေ ကို ဆက်ခံခဲ့ပြီး အချိန်အနည်းငယ်အတွင်း၌ သူ့ဦးဆောင်နိုင်မှု၊ သူ့ခေါင်းဆောင် နိုင်မှုကို စမ်းသပ်ကြည့်နေရသည်။

သူ့အိမ်နီးချင်းနိုင်ငံများကလည်းသူ၏မိုက်ရူးရဲဆန်သည့်နည်းဗျူဟာများကိုစိတ်ဝင်စားဖွယ် အတိ ဖြစ်နေကြ သည်ဟု အမေရိ ကန်နိုင်ငံမှ အဆင့်မြင့်အရာရှိကြီး တစ်ဦးက မှတ်ချက်ချသည်။

ယခုလည်း ပြုံးယမ်းမှနေ၍ ထုတ်ပြန်နေသော စကားလုံးများသည် မြှုပ်ကွက်များနှင့် စိတ်အနှောင့်အယှက်ဖြစ် ဖွယ် ကွေ့ကောက် ပြောနေသော်လည်း အမေရိကန်နိုင်ငံကို တိုက်ရိုက်ခြိမ်း ခြောက်နေသည့် သဘောထားများ ဖြစ်နေပါ၏။

အထက်ပါ လက္ခဏာရပ်များသည် ရှေးယခင်ကတည်းက  မြောက်ကိုရီးယားနိုင်ငံက အသုံးပြုလေ့ရှိသည့် နည်းနာနိဿယ အဟောင်းအမြင်းကြီးကို ယခု လူငယ်လေးကင်က ဆက်ခံရယူထားသည်မှာ သေချာပါ၏။

အမေရိကန်နိုင်ငံမှ မူဝါဒချမှတ်ရေး ပုဂ္ဂိုလ်များ၏ အဆိုအရ ရာစုနှစ်ထက်ဝက်ကျော် တသီးတသန့် ပိတ်ဆို့ထားသော နိုင်ငံတစ်ခု အနေနှင့် စီမံအုပ်ချုပ်ခဲ့သော သူ့ဖခင်၊ သူ့အဘိုးတို့ သုံးလေ့သုံးထရှိသည့် ပုံစံဟောင်းတစ်ခုသာ ဖြစ်သည်ဟု ဆိုသည်။

ကင်၏ ဘေးပတ်ပတ်လည်၌လည်း မည်သို့မှ ခန့်မှန်း၍ မရလောက်သည့် အခြေအနေ အရပ်ရပ်က ပြည့်နှက်နေပါ၏။

 

မြောက်ကိုရီးယားခေါင်းဆောင်များအပေါ် အမေရိကန်ထောက်လှမ်းရေးအေဂျင်စီများ၏ ထိုးဖောက် ဝင်ရောက်နိုင်မှုကလည်း အကန့် အသတ်သာ ရှိနေသည်။

ဝါရှင်တန်အစိုးရသည် ယခုထက်တိုင် အသက် ၃ဝ အရွယ် အစိမ်းသက်သက်သာရှိသေးသည့် နိုင်ငံခေါင်းဆောင်လေးကို မှတ်ကျောက်တင်ကြည့်ရန် အချက်အလက် ရှာဖွေနေရဆဲ ရှိပါသေး၏။

ထိုလူငယ်လေးသည် သူ့ပြည်သူပြည်သားများကို သို့မဟုတ် သူ့ဘေးပတ်လည်၌ ဝိုင်းနေသော စစ်ဗိုလ်ချုပ်ကြီးများကို သို့မ ဟုတ် တောင်ကိုရီးယားနိုင်ငံ၌ အသစ်စက်စက်ဖြစ်လာသည့် အမျိုးသမီးသမ္မတ နှင့် ကမ္ဘာကြီးတစ်ခုလုံးကို သူသည် စစ်တိုက်ရဲ သည့်သူ၊ စစ်ရေး၌ ဦးဆောင်နိုင်သည့်သူအဖြစ်ကို ပြသလိုသည့် သဘောလားဆိုသည်ကိုလည်း ဝါရှင်တန်က အကဲခတ် စောင့် ကြည့် နေပါ၏။

မြောက်ကိုရီးယားနိုင်ငံသည် ပြီးခဲ့သည့် သီတင်းပတ်အတွင်းက အံ့အားသင့်ဖွယ် ကောင်းသော ကြေညာချက်တစ်ခုကို ထုတ်ပြန်ခဲ့သည်။ ယခင်က အချိန်ကြာမြင့်စွာ ပိတ်ပင်ထားခဲ့သော နျူဓာတ်ပေါင်းဖို (ယုံဗြောင်)ကို ပြန်လည် စတင်လည်ပတ် တော့ မည့်သတင်း ဖြစ်၏။  ယင်း ဝါရှင်တန်အစိုးရသည် ယခုထက် သတင်းသည် ရှေ့အနာဂတ်ကာ လ၌ သူသည် အနောက်ကမ္ဘာနှင့် ပခုံးချင်းယှဉ်၍ အဆင့်တူ ရင်ဆိုင် တော့မည့် အဓိပ္ပာယ်ဆောင်ပါ၏။

သူနှင့်ပတ်သက်လျှင် အရာအားလုံး အလောင်းအစားပြု၍ အဖြေရှာရမည့်ပမာ။ သူ မည်သည့်အရာကို နှစ်သက်သနည်း၊ မုန်းတီး သနည်း၊ မည်သည့်အရာကို အလေးအနက်ထားသနည်း၊ မည်သည့်အရာကို အလေးအနက်မထား အာရုံမစိုက်သနည်း။ မည်သည့် လမ်းရိုးမျိုးကို သူ မနှစ်သက်သနည်း။ သူ ခွဲထွက်လိုသည့် လမ်းသစ်က အဘယ်အရာမျိုးနည်းဆိုသည်ကို မသိရနိုင်ဟု အဆင့်မြင့် တာဝန်ရှိသူတစ်ဦးက သုံးသပ်သည်။

သူသည် သူ့ဖခင်ကဲ့သို့ သံတမန်နည်းလမ်းများဖြင့် နှစ်ဖက်ရင်ဆိုင်တွေ့ အဖြေရှာသည့် နည်း သုံးမည်လားဆိုသည်ကိုပင် မသိရနိုင်။ အလွန်အဖြေရှာရခက်နေသူ၊ သူ့ကို သိရှိနားလည်ရန် ကျွန်ုပ်တို့၌ သူနှင့် ပတ်သက်၍ အချက်အလက် ခိုင်ခိုင်မာမာ တစ် ခုမှမရှိဟု ဆိုသည်။

တာဝန်ရှိသူများနှင့်အခြားပုဂ္ဂိုလ်များသည်အခြေအနေအရအမည်ထုတ်ဖော်ပြောဆိုခြင်းမရှိဘဲမြောက်ကိုရီးယားနိုင်ငံ ၏ ခြိမ်းခြောက်မှုနှင့် ပြုမူဆောင်ရွက်မှုများကို လပေါင်းများစွာဆွေးနွေးခဲ့ကြသည်။ ဆွေးနွေးသည့်ကိစ္စရပ်များတွင် ဒုံးပျံများ အကြောင်း၊ နျူ စမ်းသပ်မှုများအကြောင်းပါ ထည့်သွင်းစဉ်းစားခဲ့ကြသည်။

ယခုပြုလုပ်မှုများသည် သမ္မတ ဘားရတ်အိုဘားမား၏ သည်းခံစောင့်ကြည့်သည့် မဟာဗျူဟာကို အခွင့်ကောင်းယူကာ အမေရိကန်နိုင်ငံအား ပြုံးယမ်းက စိမ်ခေါ်လိုက်ခြင်း ဖြစ်ဟန်တူသည်။

အဆိုပါ မဟာဗျူဟာကို သမ္မတအိုဘားမား ၂ဝဝ၉ ခုနှစ် တာဝန်ယူပြီးချိန်မှ စတင်၍ ချမှတ်ခဲ့ခြင်း ဖြစ်သည်။ ယင်းမူအရ ပြုံးယမ်း အနေနှင့် အငြင်းပွားဖွယ် နျူအစီအစဉ်များ ရပ်ဆိုင်းခြင်း မပြုမချင်း မြောက်ကိုရီးယားနိုင်ငံကို မည်သို့သော ပံ့ပိုးကူညီမှုများကို မှ ပေးကမ်းခြင်းမပြုဘဲ ရပ်ဆိုင်းထား မည်ဆိုသည့်အချက် ပါရှိသည်။ ယင်းအစီအစဉ်ကလည်း အောင်မြင်မှု မရှိခဲ့ပေ။

ဂျိုးဇက်ဒီထရန်နီ- Joseph Ditrani ဆိုသူ ယခင်က အမေရိကန်ထောက်လှမ်းရေးဌာန မှ မြောက်ကိုရီးယားဆိုင်ရာ ကျွမ်းကျင်သူက ယခု မြောက်ကိုရီးယား နိုင်ငံ ပြောင်းလဲမှုများသည် ဇာတ်သိမ်းခန်းဟု ဆို၏။ သူက ကင် ပြောဆိုအသုံးပြုသော တင်းမာမှု၊ စစ်ဘက် ဆိုင်ရာ အရွှေ့အပြောင်း ပြင်ဆင်မှုများ အပါအဝင် ယခုနှစ်အတွင်း နျူကလီးယားစမ်းသပ်မှု စသည့် အပြုအမူများအားလုံးသည် ကင်ကို တစ်စုံတစ်ရာ သို့မဟုတ် အဖွဲ့အစည်းတစ်ခုက ပြင်းထန်သော ဖိအားများပေးနေသည့် လက္ခဏာများ ပြနေခြင်းဟု အဓိပ္ပာယ် ကောက်ယူသည်။ ကင် ကို ဖိအားပေးနေသူများမှာ အင်အားကြီးလှသော မြောက်ကိုရီးယား တပ်ဖွဲ့ဝင်များ၏ ထိပ်ပိုင်း ဆိုင်ရာ ပုဂ္ဂိုလ်များ ဖြစ်နိုင်သည်ဟု ဆို၏။

''အခုလောလောဆယ်မှာတော့ အဲဒီတပ်ဖွဲ့ဝင်ထဲက သူက အင်အားတွေ ရထားတယ်လေ။ ဒါကို ပြယုဂ်တစ်ခု အဖြစ် တွေ့နေရတာ ပဲ'' ဟု ဂျိုးဇက် က သုံးသပ်သည်။

ကျိုးကြောင်းမဲ့ အရေးပေါ်အခြေ အနေ

ကင်သည် အာဏာရယူပြီး မကြာလှသော အချိန်အတောအတွင်း ဗိုလ်ချုပ်ကြီးအချို့ကို တာဝန်မှ ရပ်ဆိုင်း၊ အချို့ကို ရာထူး တိုးပေးခဲ့သော်ငြားလည်း ပြုံးယမ်း၏ တပ်ဖွဲ့သည် နိုင်ငံရေးအင်အားစုအပေါ် လွှမ်းမိုးချုပ်ကိုင်ထားမှုက အထင်ကရ မြင်နေရသေး ၏။

ကင်သည် တပ်ဖွဲ့ဝင်များ၏ အကြီးအကဲများ ကျေနပ် နှစ်သိမ့်စေရန် ပြသသည့်အနေနှင့် သွားလေသူ ဖခင် ကင်ဂျုံအီ ချ မှတ်ထား ခဲ့သည့် မူဖြစ်သော စစ်ရေး သည်သာ ပထမ သို့မဟုတ် Songun ဆိုသည့် မူနှင့်အညီ လုပ် ပြနေသည်။

ဆင်းရဲသော ကိုရီးယား နိုင်ငံ ဖြစ်လင့်ကစား ၁.၂ သန်း ပမာဏအထိ ကြီးမားနေသော တပ်ဖွဲ့ဝင်အင်အားနှင့် နျူလက်နက် အစီ အစဉ်ကိုလည်း လျှော့ချ ခြင်း အလျှင်းမရှိနိုင်ဟု အာရှရေးရာ ကျွမ်းကျင်သူများက သုံးသပ်၏။

သို့သော် အိုဘားမား အစိုးရကမူ အရေးပေါ်အခြေအနေဖြစ်စရာ မည်သည့်အကြောင်းမှ မရှိဟု ဆိုနေသည်။

ပြုံးယမ်းကမူ လွန်ခဲ့သော သီတင်းပတ် နှစ်ပတ်အလွန်ကတည်းက တောင်ကိုရီးယားနိုင်ငံ နှင့် စစ်ဖြစ်တော့မည့်အခြေအနေ သို့ ရောက်ရခြင်းမှာ အမေရိကန် နှင့် စစ်ရေးလေ့ကျင့်မှု ပြုလုပ်နေ ခြင်းကြောင့်ဟု ဆိုသည်။ သို့သော် အိမ်ဖြူတော်မှ ထုတ်ပြန် ချက်၌ သူတို့ နှစ်နိုင်ငံ စစ်ရေးလေ့ကျင့် ခြင်းဖြင့် မြောက်ကိုရီးယားတပ်ဖွဲ့များ ရွှေ့ပြောင်းခြင်းသည် ဆက်စပ်မှုမရှိဟု ဆို၏။

သို့သော် ပြုံးယမ်းဘက်မှ ကျယ်ကျယ်လောင်လောင် စကားလုံးကြီးများနှင့် ပြောဆိုနေခြင်းကမူ ရပ်တန့်မသွားပေ။ တစ် ချိန်တည်း တွင် သတင်းမီဒီယာများ၌ ထွက်ပေါ်လာသော ပုံရိပ်များကလည်း သတင်းမျက်နှာဖုံး၌ ဖြစ်နေသည်။ ကင်သည် မြေပုံကြီး တစ်ခု ရှေ့၌ ရပ်ကာ သူတို့ဒုံးပျံများ အဝေးဆုံးနေရာသို့ ရောက်ရှိမည့် အကွာအဝေးကို ကြည့်၍ ညွှန်ကြားနေသည်။

မြောက်ကိုရီးယားနိုင်ငံ၏ ဒုံးပျံများသည် အမေရိကန်နိုင်ငံ မြေပေါ်သို့ ရောက်နိုင်ကြောင်း တွေ့ရသည်။ ဆိုလိုသည်မှာ အမေ ရိကန်နိုင်ငံပိုင် ကမ်းခြေစပ်တစ်ခုခုသို့ ရောက်သည်ဆိုလျှင်ပင် သူတို့က အမေရိကန်မြေပေါ်သို့ သူတို့ ဒုံးပျံကျရောက်နိုင်သည် ဟု ပြောကြားလိုခြင်း ဖြစ်ပါ၏။

အမေရိကန်ရှိ တာဝန်ရှိသူများအားလုံးသည် ကင်နှင့်ပတ်သက်၍ အဓိပ္ပာယ်ရှာမရသော ခံစားမှုမျိုးနှင့် ကြုံနေကြရသည်။ သူတို့ တိုက်တွန်းစကား၊ အကြံပေးစကားများကို သတင်းထုတ်ပြန်ချက်များနှင့် ဖော်ပြနေရသော်လည်း သူတို့ စိတ်အရှုပ်အထွေးနှင့် ကြုံနေကြရသည်။

အဘယ့်ကြောင့်ဆိုသော် ကင်ကို မြင်သောသူတို့အမြင်မှာ အန္တရာယ်ရှိသည်ဆိုသည့်စကားတစ်ခုကလွဲ၍ ထို့ထက်ပို၍ ကြိုတင် မခန့်မှန်းနိုင်ကြပေ။

ယခုလည်း သူက ခြိမ်းခြောက်သည့်စကားများနှင့် ပြောနေသည်။ စစ်ပြင်ဆင်မှုကိုလည်း လက်တွေ့လုပ်ဆောင်နေမှန်း သိသာ သည်။ သူ့ အပြုအမူမှာ နိုင်ငံတကာက သိသွားစေရန် ဟန်လုပ်နေခြင်း မဟုတ်၊ တကယ်လုပ်နေခြင်း ဖြစ်သည်။ ကမ္ဘာ က ဖြစ် လာနိုင်သည်မှာ သူ့လုပ်ဆောင်မှုများ သည် လက်နက်ကိုင်ဆွဲ၍ ရင်ဆိုင်ရမည့် ပဋိပက္ခအသွင်မျိုးအထိ အဓိပ္ပာယ်ရောက်နေသည်။

သူပြောနေသော ကျယ်ကျယ်လောင်လောင် အော်ဟစ်နေသည့် အသံက နိုင်ငံတကာအဆင့် ညှိနှိုင်းဆွေးနွေးပွဲသို့ ဦးတည်နေ သည်လား ဆိုသည်ကိုလည်း အဓိပ္ပာယ်မဖော်နိုင်ကြပေ။

နိုင်ငံတကာခေါင်းဆောင်များအလယ်၌ သူသည် အသက် ၃ဝ အရွယ် ကလေးသာသာအရွယ်သာ ရှိသေးသည်။ အနောက် နိုင်ငံ တို့က ထို့ထက် ဘာတစ်ခုမှ ပိုမသိ။ သူ အာဏာရယူသည့် ၂ဝ၁၁ ဒီဇင်ဘာလနောက်ပိုင်း ရောက်မှ သူ့ကို သိကြသည်။

အမေရိကန်ရှိ အချို့သော ပုဂ္ဂိုလ်များက ခန့်မှန်းကြသည်မှာ ''သူတို့ (ဖခင်နှင့်သား) စကားပြောတဲ့ပုံစံ၊ အသံနေ အသံ ထားကစပြီး နည်းနည်းတော့ ခြားနားတယ်။ သူက ပိုပြီး သူ့ကိုယ်သူ ကိုယ်စားပြုနိုင်တယ်။ လူရှေ့ထွက်လာတယ်။ ဖအေထက်ပိုပြီး တိတိ ကျကျ ပြောတယ်။ သူပြောနေသမျှဟာ အမေရိကန်ကို ဦးတည်ပြီး ထိုးနှက်နေတာပဲ'' ဟု ဆို၏။

အချို့သောပုဂ္ဂိုလ်များကမူ ပြုံးယမ်း၏ ယခုစစ်ပြင်ဆင် ခြိမ်းခြောက်မှု ဦးတည်ချက်မှာ ပြည်တွင်းမှ လူများကို ရည်ရွယ်ခြင်း သာ ဖြစ် သည်။

သူတို့အမြင်က ရှု ထောင့်တစ်ခု ဖြစ်သည်။ ကင် သည် သူ၏ များပြားလှသော တပ် ဖွဲ့ဝင်များကို လုံလုံလောက်လောက် မပေးနိုင်။ ထိုအကြောင်းကို ဖုံးကွယ်လိုသည့် သဘောနှင့် အမေရိကန်ဆန့်ကျင်ရေး ဝါဒဖြန့်ခြင်းသက်သက် ဖြစ်သည်။ မြောက်ကို ရီးယား ပြည်သူများ အားလုံးနီးပါးသည် ဆင်းရဲမွဲတေ ညစ်ပတ်ပေရေနေသည့် ထိုပုံစံနှင့် နိုင်ငံခြားသား မှန်သမျှကို ရန်သူ သဖွယ် မြင်နေကြသည်။ ထိုသို့ဖြစ်မှလည်း သူ့လက်ထဲ၌ ကိုင်တွယ်ထားသော အာဏာကို ကောင်းမွန်စွာ ဆုပ် ကိုင်နိုင်မည်ဖြစ် သည်။

ကင်သည် နျူစမ်းသပ်မှု၊ ဒုံးပျံလွှတ်မှုများ ပြုလုပ်နေချိန်၌ အမေရိကန် NBA  အဖွဲ့မှ ဘတ်စကတ်ဘော ကစားသမားကို အိမ် ရှင်အနေနှင့် ဧည့်ခံသည်။ တွေ့ဆုံသည်။

ဘတ်စကတ်ဘော ကစားသမား ဒဲနစ်ရော့မန်-  Dennis Rodman သည် သူ၏ တစ်ဦးတည်းသော အနောက်တိုင်းမှ မိတ်ဆွေဖြစ် သည်။

သူ့ကို အနီးကပ်တွေ့ဖူး၊ ဆက်ဆံဖူးသည့် ဒဲနစ်က ''တကယ် စိုးရိမ်စိတ်နဲ့ အံ့အားသင့်ဖို့ကောင်း တဲ့ ချာတိတ်ပဲ'' ဟု သုံးသပ်၏။
BBC သတင်းဌာနမှ သတင်းသမား Charles Scanlon ကမူ မြောက်ကိုရီးယားနိုင်ငံ၏ အတိတ်ကာလက ဖြစ်ပျက်ခဲ့မှု၊ ပြု မူခဲ့မှုများ ကို ခြေရာပြန်ကောက်ပြခဲ့သည်။ အတိတ်ကာလက ရရှိခဲ့သော သင်ခန်းစာများသည် ရှေ့တိုးရွှေ့စေသည့် အကျိုးရလဒ်များ ဟု ဆိုထား၏။ သတင်းသမား Scanlon က မြောက်ကိုရီးယားနိုင်ငံ၏ လက်နက်စီမံကိန်းများ၊ အစီအစဉ်များသည် ပြင်ပကမ္ဘာ့နိုင်ငံ များနှင့် ထိပ်တိုက်ရင်ဆိုင်တွေ့စေ ခဲ့သည်ဟု သုံးသပ်သည်။

အတိတ်ကာလ၏ ဖြစ်ရပ်များကို ပြန်သုံးသပ်လျှင် မြောက်ကိုရီးယားနိုင်ငံသည် သမိုင်းတွင်သည့် သံတမန်ဆက်ဆံ မှု၊ ဆွေးနွေး မှုများဖြင့် အမေရိကန် အပါအဝင် အခြားနိုင်ငံများကိုပါ အနိုင်ရခဲ့သည်။

အဆိုပါ သမိုင်းဖြစ်ရပ်သည် တစ်ကျော့ပြန်လည်လာခဲ့ပြီ ဖြစ်သည်။ ယခုလည်း မြောက်ကိုရီးယားသည် အချိန်မီ ပြန်လည်သုံး သပ်နိုင်ပါမည်လား ဆိုသည်က စဉ်းစားစရာ ဖြစ်လာပါ၏။

မြောက်ကိုရီးယားနိုင်ငံသည် စစ်အေးကာလ သံတမန်ဆက်ဆံရေး၌ အမှန်တကယ်ပင် အောင်မြင်ခဲ့သည်။ တရုတ်နှင့် ဆို ဗီယက် ဆိုသည့် ကွန်မြူနစ်နိုင်ငံ ကြီး နှစ်နိုင်ငံကို ကျောထောက် နောက်ခံပြုကာ အထောက်အပံ့များ မတန်မဆရ၍ ကစားကွက်ကို သူ ကစားချင်သလို ကစားနိုင်ခဲ့သည်။

သို့သော် ၁၉၉ဝ ခုနှစ် ကာလများ၌ ကစားကွက်သည် တစ်မျိုးပြောင်းသွားခဲ့ပါ၏။ အသက်ရှင်သန်ရေးအတွက်ဆိုသော မဟာ ဗျူဟာ ကို အခြေခံအဖြစ်ထားသည်။ ထိုမှ ခြိမ်းခြောက်ခြင်း စစ်ရေးပမာ ဏများ တိုးချဲ့ခြင်း ပြုခဲ့သည်။အိမ် နီးချင်းနိုင်ငံများသာမက ရန်သူများ ထံမှပါ အခွင့်ထူးများ ရခဲ့သည်။

အမေရိကန်နိုင်ငံမှ တာဝန်ရှိပုဂ္ဂိုလ်များ ဆိုသည်မှာ ကိုယ့်ကိုယ်ကို အလွန်အထင်ကြီး ဘဝင်မြင့်နေသူများ ဖြစ်လင့်ကစား ကင်ဂျုံအီ (ယခု ကင်ဂျုံအန်၏ဖခင်) သည် သူ့ ကျွမ်းကျင်မှုလက်ဝယ် သူနှင့်ပတ်သက်သည့် နိုင်ငံအားလုံးကို လိုသလို ကစားပြခဲ့သည်။

ယခု သားဖြစ်သူ ကင်ဂျုံအန် ကမူ ထိုသို့သော အရည်အသွေး မျိုးကိုတို့ပင်မကြည့်နိုင်ခဲ့။ ဖမ်းဆုပ် ကိုင်နိုင်သော ဗျူဟာလည်း မချ တတ်။ ထို့ကြောင့် ပဋိပက္ခအသွင်သာ ဖန်တီးခဲ့သည်။ သို့သော် ထိုသို့သော လုပ်ရပ်မျိုးကို မည်သူ တစ်ဦးတစ်ယောက်ကမှ လိုလား ခြင်း မရှိခဲ့ပေ။

မည်သို့ပင်ဖြစ်စေ ယင်းနိုင်ငံ၏ ခေါင်းဆောင်သစ်သည် ယခင်က လုပ်ရိုးလုပ်စဉ်လမ်းကြောင်းကိုသာ အသုံးပြုခဲ့သည်။ တစ်ချိန် တည်း ကမ္ဘာတစ်ခုလုံးကိုလည်း မြောက်ကိုရီးယားနိုင်ငံသည် မည်သို့သောနိုင်ငံ ဖြစ်သည်ကို ပြန်လည် သတိရစေခဲ့သည်။ ထိုနိုင်ငံ သည် ရင်ဆိုင်တွေ့ဆုံလိုက်သည် နှင့် အလွန်အန္တရာယ်ကြီးသည့် နိုင်ငံဆိုသည်ကို သဘောပေါက် သွားစေရန် ပြုမူပြသည့် ပုံစံဖြစ်နေ၏။

ပြုံးယမ်း၏ မဟာဗျူဟာကျ သောဦးတည်ချက်မှာ နျူလက်နက် လက်ဝယ်ပိုင်ဆိုင်ရေး ဖြစ်သည်။သို့မှလည်း သူ့နိုင်ငံ၏အချုပ်အခြာ တည်တံ့ခိုင်မြဲရေးသည် အာမခံ ချက် ရရှိနိုင်မည်ဟု ယုံကြည်ထားသည်။ ယင်းအချက်သည် အမေရိကန်နိုင်ငံကို ဦးတည်၍ အသိပေး ပို့ခြင်းဖြစ်သည်။ သူ့၌ နျူလက်နက်ရှိမှသာ အမေရိကန်က တန်းတူရည်တူ သဘောထားမည်ဟု ယုံ ကြည်ထား၍ဖြစ် သည်။

ကုန်လွန်ခဲ့သည့် အတိတ်ကာလ၌ တွေ့ဆုံခဲ့မှုများ

နျူလက်နက်ဖြင့် စတင်ထိပ် တိုက်ရင်ဆိုင်တွေ့ဆုံမှုမှာ လွန်ခဲ့သည့် အနှစ် ၂ဝ ကတည်းက စခဲ့သည်။
၁၉၉၄ ခုနှစ်မှစ၍ ကိုရီးယား ကျွန်းဆွယ်သည် စစ်ဖြစ်တော့မည့် အနေအထားသို့ ရောက်ခဲ့ဖူးသည်။ ၁၉၉၄ ခုနှစ်၌  Agreed Framework ဆိုသည့် သဘောတူညီချက်ဖြင့် အမေရိကန်နှင့် မြောက်ကိုရီးယားနိုင်ငံတို့ သဘောတူခဲ့ကြသည်။ ယင်းသဘော တူညီချက်အရ ယုံ ဗြောင်ဓာတ်ပေါင်းဖိုပိတ်ပြီး ရေသွက်သုံး နျူဓာတ်ပေါင်းဖို-  Light Water Nuclear Power Reactor နှစ်ခုကို အမေရိကန်က ဆောက်လုပ်ပေးမည်။ ယင်းဆောက်လုပ်နေစဉ် နှစ်နှစ်အတွင်း အမေရိကန်နိုင်ငံက မြောက်ကိုရီးယား မရှိမဖြစ် လိုအပ် သည့် လောင်စာဆီများကို ဆီတင် သင်္ဘောများနှင့် အခေါက်ခေါက် အခါခါ ပို့ပေးမည်။

ယင်းရေသွက်ဓာတ်ပေါင်းဖို နှစ်ခုကို အမေရိကန်က အာမခံ သော်လည်း ဂျပန်နှင့် တောင်ကိုရီး ယားနှစ်နိုင်ငံတို့က ဝင်၍ တာဝန် ယူပေးခဲ့ကြသည်။ ထိုအချိန်ကတည်းက ယခု ကင်ဂျုံအန်၏ဖခင် ကင်ဂျုံအီက နိုင်ငံခေါင်းဆောင် တာဝန်ယူချိန် မှအစပြုခဲ့သော နျူ ကို အကြောင်းပြုကာ ပြုလုပ်ခဲ့သည့် သံတမန်ဆက်ဆံရေးဗျူဟာ ဖြစ်သည်။

ယင်းကာလနောက်ပိုင်းမှစ၍ မြောက်ကိုရီးယားသည် နိုင်ငံတကာအလယ်သို့ နေရာတစ်ခုအနေ နှင့် ရောက်လာခဲ့သည်။ ရုရှား၊ တရုတ်တို့ ပါဝင်သော ၆ နိုင်ငံ နျူ အစည်းအဝေးများ အကြိမ်ကြိမ် ကျင်းပခဲ့သည်။ အပေးအယူကို နှစ်ရှည်လများ ပြုလုပ်ခဲ့ကြသည်။

မြောက်ကိုရီးယားခေါင်းဆောင် ကင်ဂျုံအီ၏ သံတမန် နည်းဗျူဟာများ ဖြစ်ပါ၏။ ယင်းအဖြစ်အပျက်ကို သတင်းသမားများ က နောက်ကြောင်းလှန်ကာ ယခု ကင်ဂျုံအန် သည် ဖခင်ကဲ့သို့ သံတမန်နည်းဗျူဟာ ချမှတ်နိုင်မည်လားဟု မေးခွန်း ထုတ်နေ ကြ ခြင်း ဖြစ်ပါ၏။

ခေါင်းဆောင်သစ် ကင်ဂျုံအန်
အဘိုးနှင့်ဖခင်ဖြစ်သူတို့က ပုံစံတကျ၊ ပုံသွင်းပေးလိုက်သည့်သူ အဖြစ် သတင်းသမားများက သတ်မှတ်ကြသည်။သူသည် အချိန်တို အတွင်း ရုတ်ခြည်းပင် ချီးမြှောက်ခံရကာ စစ်ခေါင်းဆောင်တစ်ပိုင်း အဖြစ်မှ နေရာရလာသည်။ ကင်ဂျုံအန်က ဖခင်နှင့် လုံးဝ မတူသည့် အချက်မှာ သူသည် လူအများကြားသို့ ထွက်လိုစိတ်ရှိခြင်း ဖြစ်သည်။

သူ့ကို ကမ္ဘာကသာ မသိကြ၊ မကြားဖူးကြသည် မဟုတ် မြောက်ကိုရီးယားနိုင်ငံမှ ပြည်သူများကပင် သူ့ကို သိလာကြသည်မှာ နှစ်နှစ် ခန့်သာ ရှိသေးသည်။ သူ့ကို ပထမသန်းကျော်စစ်အင်အားရှိသော တပ်မတော်၏ အကြီးအကဲ၊ ထို့ နောက် နိုင်ငံ၏ခေါင်းဆောင် ဖြစ် လာသည်။

ဖခင်ဖြစ်သူသည် ၁၇ နှစ်ကြာ အာဏာရယူခဲ့ပြီး နိုင်ငံကို အုပ်ချုပ်ခဲ့သော်လည်း ပြည်သူ့ကို တစ်ကြိမ်တစ်ခါမှ မိန့်ခွန်းမပြော ဖူးခဲ့ပေ။
ကင်ဂျုံအန်သည် ၂ဝ၁၁ ခု၊ ဒီဇင်ဘာလ ၁၇ ရက်နေ့ ဖခင် ကွယ်လွန်ပြီးနောက် သူက အရိုက်အရာ ဆက်ခံခဲ့သည်။ သူသည် ဖခင် ကင်ဂျုံအီ၏ တတိယဇနီး ကိုယုံဟွီ-  Ko Yong Hui  ၏ အငယ်ဆုံးသား ဖြစ်သည်။ သူ့မွေးနေ့ကို အသေအချာမသိရ။ ၁၉၈၃ သို့မ ဟုတ် ၁၉၈၄ စောစောပိုင်းလများ၌ဖြစ်နိုင်သည်။ သူနှင့်အတူ အများက သိလာသူ အစ်ကိုနှစ်ယောက် ရှိသည်။ ကင်ဂျုံနမ်- Kin Jong Nam က အစ်ကိုအရင်း၊ ကင်ဂျုံချွာ -  Kin Jong Choi က ဝမ်းကွဲအစ်ကို ဖြစ်သည်။

၂ဝ၁၁ ခုနှစ် မေလ၌ ကင်ဂျုံနမ်က နိုင်ငံမှ နှင်ထုတ်ခံရသည်။ ကင်ဂျုံချွာကမူ လူမဆန်သည့် လူအဖြစ် စာရင်းမှဖယ်ထားခံရသည်။

ကင်တို့ ညီအစ်ကိုသုံးယောက်လုံး ဆွစ်ဇာလန်နိုင်ငံ၌ စာသင် ကြားခဲ့ကြသည်။

ကင်ဂျုံအန်က အနောက်၏ အမူအကျင့် လွှမ်းမိုးမှုလုံးဝ လက်သင့်မခံ။ ကျောင်းပိတ်သည်နှင့် မြောက်ကိုရီးယားနိုင်ငံသို့ ပြန်လာလေ့ ရှိသည်။ ဆွစ်ဇာလန်နိုင်ငံ၌ရှိ စဉ်ကလည်း ပြင်ပ၌ ထမင်းစားလျှင် မြောက်ကိုရီးယားနိုင်ငံမှ သံအမတ်နှင့်သာအတူ ညစာစားသည်။

ဆွစ်ဇာလန်မှ မြောက်ကိုရီးယားသို့ ပြန်ရောက်သည့်အခါ အဘိုးအမည်ဖြစ်သော ကင်အီဆွန်း စစ်တက္ကသိုလ်သို့ တက်ရောက် သင်ကြားသည်။

သူ့မိခင်သည် ကင်ဂျုံအီ၏ ဇနီးများထဲမှ အချစ်ခံရဆုံး ဇနီး ဖြစ်သည်။ ထိုစဉ်ကတည်းက မိခင်ဖြစ်သူက သူ့သားငယ်သည် ထွန်းတောက်လာမည့် ခေါင်းဆောင်ကြယ် တစ်လုံးအဖြစ် ပြောဆိုလေ့ရှိ၏။

သူသာမဟုတ်။ သူ ယခုလက်ထပ်ထားသည့် ရဲဘော် ရီဆွာဂျူ- Ri Soi Ju ကိုလည်း မည်သူကမှ မသိကြပေ။ ရီ- Ri ၏ ဝတ်စား ဆင်ယင်မှုမှာ ဆံပင်တိုသည်၊ အနောက်တိုင်းအဝတ်အစားများ ဝတ်ဆင်သည်။ ထိုမျှသာ သိကြသည်။ အထက်တန်းလွှာမှ ပေါက် ဖွားလာသူဟု ယူဆကြသည်။မြောက်ကိုရီးယားနိုင်ငံနှင့် ပတ်သက်၍ သိသည့်အချက်အလက် နှင့် မသိသည့်အရာကို ယှဉ်တွဲကြည့် လျှင် သိသည့်အရာများက အလွန့် အလွန် နည်းလွန်းသည်ဟု ယူဆရ မည် ဖြစ်ပါ၏။

မြောက်ကိုရီးယားနိုင်ငံ လက်ရှိပိုင်ဆိုင်ထားသော နျူလက်နက်စွမ်းရည်
တစ်ကီလိုတန် = ၁ဝဝဝ တန် TNT

၂ဝဝ၆ ခုနှစ် - ၁ ကီလိုတန်ထက် သေးငယ်သည်။
၂ဝဝ၉ ခုနှစ် - ၂ ကီလိုတန်
၂ဝ၁၃ ခုနှစ် - ၇ ကီလိုတန်

အမေရိကန်၏ ဂျပန်နိုင်ငံအပေါ် ၁၉၄၅ ခုနှစ်က အသုံးပြုခဲ့မှု
ဟီရိုရှီးမား - ၁၃ ကီလိုတန်
နာဂါစကီ - ၂၁ ကီလိုတန်

အထက်ပါ ကိန်းဂဏန်းကို အမေရိကန် နျူသုတေသနဗဟိုဌာနမှ ရရှိသည်။

Soe Min Oo

Myanmar Market
Source : By Charles Scanlon BBC.com.
- By Matt Spetalnick & Mark Hosenball.