ကမ္ဘာသစ် : အဖြူရောင် မေတ္တာတွေ ( အောင်သင်း )

Friday, May 3, 2013

အဖြူရောင် မေတ္တာတွေ ( အောင်သင်း )

လွန်ခဲ့တဲ့ ပြည်ထောင်စုနေ့က ရန်ကုန် သာကေတ ၉ ရပ်ကွက် စာကြည့်တိုက်ဖွင့်ပွဲကို သွားခဲ့ရပါတယ်။ ဟောပြောပွဲပေါ့လေ။ ငါ့တစ် ယောက်တည်း ဖြစ်နေတာကြောင့် လုပ်သားကောလိပ်မှာ တပည့်ဖြစ်ခဲ့ ဖူးတဲ့ စာရေးဆရာ အဏ္ဏဝါစိုးမိုး ကြီးကိုလဲ လိုက်ခဲ့စမ်းပါလို့ တောင်း ပန်ပြီး နှစ်ယောက်သားသွားပြီး စာပေ ရေးရာတွေကို ဟောပြောခဲ့ရပါတယ်။ ငါကနေ့လယ်၁နာရီမှာရန်ကုန်တက္ကသိုလ် မြန်မာစာ ကျောင်းသား ဟောင်းများရဲ့ ကန်တော့ပွဲရှိနေတာ ကြောင့် အဏ္ဏဝါစိုးမိုးကြီးကို''ဗိုလ်စိုးရေ၊ကိုယ် သုံးနာရီလောက် မှရောက် နိုင်မယ်။ ရှေ့ပိုင်းမှာ ထိန်းထားပါ'' လို့ပြောလိုက်ရတယ်။ သူက အာ ပေါင် အာရင်းသန်သန် ဟာသမြိုင် မြိုင်နဲ့ ဟောတတ်တာမို့ အလွန်အား ကိုးရပါတယ်။

ဒါနဲ့ပဲ သာကေတကို သုံးနာရီ လောက် ရောက်သွားတယ်။ ဗိုလ်စိုး ကြီးကလဲထိန်းထားပါတယ်။ ပရိသတ်ကြည့်လိုက်တော့ အသက် ၂ဝအောက်၊ ၂ဝကျော်လူငယ်ပရိ သတ်ကပိုပြီးများပါတယ်။ ဒီစာကြည့် တိုက်ကိုဖြစ်မြောက်လာအောင် ကမကထလုပ်သူတွေထဲမှာ ငါတို့တောင် တွင်းကြီးသားတစ်ယောက် ပါနေတယ်။ တောင်တွင်းကြီးသားမှ ငါ တို့ရဲ့ တောင်ပြင်ရပ်ကွက်သားဖြစ်တဲ့ အပြင် ငါ့မျက်စိအောက်မှာ ကြီးပြင်း လာတဲ့ကောင်လေးပေကိုး။ ခုတော့ဖြင့် ဦးမျိုးညွန့်ဖြစ်နေပြီပေါ့လေ။ ခေါင်းဖြူကြီးပေါ့။ သူ့ကြောင့်လဲ ငါကပွဲ ဆက်အပင်ပန်းခံပြီးလိုက်ခဲ့ရတာပါ။ ထားလိုက်ပါတော့။
   ငါပြောခဲ့တာတွေက-
   ရန်ကုန်မြို့နယ်က ရပ်ကွက်ကြီး တစ်ခုဖြစ်နေပါလျက် စာကြည့်သင်း တစ်ခုအခုမှ ဖြစ်လာရတာ အတော် နောက်ကျနေတဲ့အကြောင်းကို နိဒါန်း ချီပြီးပြောခဲ့တာပါပဲ။

      ဟုတ်တယ်ကွယ့်၊ ငါက နိုင်ငံ အနှံ့အပြား ကျေးလက်မြို့ရွာတွေကို ရောက်ခဲ့ဖူးတယ်။ မူလတန်းကျောင်း ရှိတဲ့ရွာနဲ့ မူလတန်းကျောင်းလေး တောင်မရှိတဲ့ ကျေးရွာဟာ ပညာရေး၊ လူမှုရေး ဗဟုသုတအဆင့်မှာ အတော် လေးကိုကွာနေတတ်တယ်။ မူလတန်းကျောင်းမရှိရင်တောင်မှ ဘုန်းကြီးကျောင်းရှိရင်တော်သေးတယ်။ ဘုန်းတော်ကြီးက စာပေဗဟုသုတ နှံ့စပ်တော့ ဟောပြော သင်ကြားပေး လေ့ရှိတယ်မဟုတ်လား။ အဲ-ဘုန်း တော်ကြီးကျောင်းတောင် မရှိရင်တော့ သွားပါလေရော။
      ပြောချင်တာက ပညာရေး အတွက် စုဝေးရာဌာနလေးတစ်ခု တော့ ရှိနေသင့်တယ်မဟုတ်လား။ မူလတန်းလေးရှိတော့ အဲဒီကျေးရွာမှာ ဘာတွေထူးခြားသလဲလို့ မေးစရာ ရှိတယ်။ ကလေးတွေကို စာသင်ပေး တယ်လို့ပဲ ထင်စရာရှိတယ်။ မဟုတ် သေးဘူးကွယ့်။ ကလေးတွေ စာဖတ် သံ၊ စာအံသံကိုကြားရတာနဲ့ လူကြီး တွေလဲ စာပေဗဟုသုတကို ရမှန်းမသိ ရသွားလေ့ရှိတယ်။ ကလေးတွေကို လိမ္မာရည်မွန်အောင်သင်ပေးလာတော့ လူကြီးလူလတ်တွေလဲ ကလေးတွေ ရှေ့မှာ အမူအရာ အပြော အဆိုက စပြီး ဆင်ခြင်ထိန်းသိမ်းမှန်းမသိ ဆင် ခြင်ထိန်းသိမ်းလာတော့တာပေါ့။
   နောက်ပြီးကျေးလက် တော ကျောင်းမူလတန်းဖြစ်လေတော့ ဆရာ၊ ဆရာမလေးတွေကလဲ ကျေး ရွာမှာပဲ သင့်သလိုစားသောက်နေထိုင် ရတာမဟုတ်လား။ ဒီတော့ ဆရာ၊ ဆရာမလေးတွေကလဲ ရပ်ရွာက လေး စားအောင် အနေအထိုင် အပြောအဆို ကစလို့ အစစမှာ ဆင်ခြင်ကြရပြန် တယ်။ ရွာထဲကမိန်းကလေးတွေ အတွက် စံပြသလိုဖြစ်လာပြန်တယ်။ ကျောင်းအုပ် ဆရာလေး၊ ဆရာမလေး တွေကျပြန်တော့လဲ ကျေးရွာလူကြီး မိဘတွေနဲ့တိုင်ပင်နှီးနှောမှုတွေ၊ ဆွေး နွေးမှုတွေ လုပ်ကြရပြန်ရော။ ဒါကို ပေါ့သေးသေးထင်လို့မရဘူး။ နှစ်ဦး နှစ်ဘက်လုံး ပညာရကြတဲ့ ကိစ္စပေ ပဲ။ တစ်နည်းအားဖြင့် ဆရာမိဘနှစ်ဦး ပေါင်းပြီး မျိုးဆက်သစ်တွေ တိုးတက် ရစ်ဖို့လုပ်နေကြတာပဲ။ ဒါကြောင့် မူလတန်းကျောင်းလေးရှိတဲ့ ကျေးရွာ နဲ့မရှိတဲ့ကျေးရွာ အဆင့်ချင်းကွာသွား တတ်တယ်လို့ပြောခဲ့တာပါ။
   အဲ- အလယ်တန်းပြလောက်ထိ အောင် ရှိလာပြီဆိုရင်ပဲ အဲဒီကျေးရွာ လေးဟာ နယ်တစ်ဝိုက်မှာ လူချွန် လူမွန် မျိုးဆက်သစ်ထွက်ဖို့ မျှော်မှန်း နိုင်လာပြီ။ မိဘတွေကလဲ ကိုယ့်သား သမီးအတွက် မျှော်မှန်းချက်မြင့်မြင့် မားမား ထားရကောင်းမှန်းသိလာပြီ။ သားသမီးကလဲ အားတက်လာပြီ။ အားထုတ်လာပြီ။ ဒီလိုနဲ့ပဲ ကျေး လက်မျိုးဆက်သစ်တွေ ထွက်ပေါ် လာခဲ့တာ နည်းပါရော့လား။ ဗိုလ် ချုပ်အောင်ဆန်းဆိုရင် နတ်မောက် ဇာတိပဲ။ နတ်မောက်ဆိုတာဟာ မြို့ ငယ်လေးပါ။ ငါတို့တောင်တွင်းကြီး မြို့ရဲ့ တစ်ခြမ်းလောက်ပဲရှိမှာပေါ့။ သို့ သော် သူတို့ရဲ့ ဆရာတော်ဘုန်းတော် ကြီးက အလွန်အမြော်အမြင်ကြီး တယ်။ ဒါကြောင့် သူကပဲ ခေါင်း ဆောင်ကောင်း၊ နောက်တော့ သူ့ တပည့်က နိုင်ငံခေါင်းဆောင်ဖြစ်လာ တာပဲ။
   အထက်ကပြောခဲ့တာတွေက မူလတန်းကျောင်း၊ အလယ်တန်း ကျောင်း၊ အထက်တန်းကျောင်း ပညာရေးတွေကို ပြောနေခဲ့တာ။
ပညာရေးကို ရနိုင်တဲ့အဓိကဌာန နှစ်ခုရှိတယ်။ တစ်ခုက စာသင် ကျောင်းတွေပဲ။ နောက်တစ်ခုက စာကြည့်သင်း၊ စာကြည့်တိုက်တွေပဲ။ စာသင်ကျောင်းလေးတွေက စာဖတ် တတ်အောင်သင်ပေးတယ်။ စာဖတ် တတ်ပြီး စာမဖတ်ရင် ဘယ်လိုလုပ် ပြီး တိုးတက်မှာလဲ။ လှေကားကြီးရှိ နေပါလျက် မတက်ဘဲ ငုတ်တုပ်ထိုင် နေသလိုပဲ ဖြစ်နေမှာပေါ့။ ဒါကြောင့် ငါရဲ့ ဒီကနေ့ကြွေးကြော်သံက-
   စာမတတ်သူ ပပျောက်ရေးမှ စာမဖတ်သူ ပပျောက်ရေးသို့...
                 အဲဒါပဲ။ ဒါကြောင့် သာကေတ ၉ရပ်ကွက် စာကြည့်တိုက်မှာလဲ အဲဒီကြွေးကြော်သံကို ရေးထားဖို့ တိုက်တွန်းခဲ့တယ်။
   ကောင်းပြီ၊ စာကြည့်တိုက်တည် တံ့ရေးအတွက် ဘာတွေအကြံÓဏ် ပေးခဲ့သလဲ။ ပြောလိုက်ပါရစေဦး။
      စာကြည့်တိုက်တစ်ခု ဖြစ်လာဖို့ အလွန်ခက်ပါတယ်။ အဲဒီစာကြည့် တိုက် တည်တံ့ခိုင်မြဲဖို့ကျတော့ အဆမတန်ပိုခက်ပါတယ်။ အရေး ကြီးတာက ခိုင်ခံ့တဲ့ စာကြည့်တိုက် မှူးရှိဖို့ပဲ။ စေတနာ့ဝန်ထမ်း စာကြည့် တိုက်မှူးတွေပေါ်တတ်ပါတယ်။ တကယ်လဲ စေတနာရှိကြပါတယ်။ သို့သော်လဲ နောက်ကျတော့ အဲဒီ စေတနာရှင်က အိမ်ထောင်ကျလို့ဖြစ် စေ၊ အိမ်မှုကိစ္စ စီးပွားကြောင့်ဖြစ်စေ၊ စာကြည့်တိုက်ကို လှည့်မကြည့်နိုင် တော့ဘူး။ ဒီတော့စာအုပ်တွေကို ထိန်းသိမ်းမယ့်လူတွေမရှိတော့ ဟိုလူ က တစ်အုပ်၊ ဒီလူကတစ်အုပ်ဆွဲသွား ရင်း စာကြည့်တိုက်ပြုတ်သွားတော့ တာပဲ။ ဒီတော့ အရည်အချင်းရှိတဲ့၊ အထူးသဖြင့် မိန်းကလေးတစ် ယောက်ကို စာကြည့်တိုက်မှူးအဖြစ် ခန့်ထားသင့်တယ်မဟုတ်လား။
         ဒါတွေကိုဟောပြောပွဲမှာ ထည့် ပြောချင်လို့ ငါ့တူလေး ဦးမျိုးညွန့်ကို ''မင်းတို့ရပ်ကွက်မှာ အိမ်ခြေဘယ် လောက်ရှိသလဲ။ အိမ်ထောင်စု ဘယ် လောက်ရှိသလဲ၊ သေချာစာရင်းရှာ ထားစမ်း''လို့ မှာထားလိုက်တယ်။
                  သာကေတ ၉ ရပ်ကွက်မှာ အိမ် ခြေ ၁ဝဝဝ လောက်၊ အိမ်ထောင်စု ၂ဝဝဝ လောက်ရှိသတဲ့။
ဒါနဲ့ပဲ ငါက ဟောပြောပွဲမှာ ခင်ဗျားတို့ဆီမှာ လက်ဖက်ရည်တစ် ခွက်ဘယ်လောက်ပေးရသလဲလို့ မေး ကြည့်လိုက်တယ်။ ၂ဝဝ ကျပ်လို့ ဖြေကြတယ်။ အဲဒီ အိမ်ထောင်စုတွေ ဆီက တစ်စုမှာ တစ်လ လက်ဖက် ရည်တစ်ခွက်ဖိုး၊ စာကြည့်တိုက် အတွက်အလှူခံပါ။ အဲဒီလောက်မှ ကလေးလူငယ်တွေအတွက် မလှူချင် ဘူးဆိုရင်လဲ အဲဒီအိမ်ထောင်စုကို အနာကြီးရောဂါသည်တွေလို့သာ သဘောထားလိုက်ကြပေတော့လို့ ရက်ရက်စက်စက်ပြောခဲ့တယ်။

   စဉ်းစားကြည့်ကြကွာ။ တစ်အိမ် ထောင်က တစ်လမှာ ၂ဝဝ ကျပ် ထည့်ရင် အိမ်ထောင်စုပေါင်း ၂ဝဝဝ ဆိုတော့ တစ်လမှာ လေးသိန်းကွ။ နည်းရော့လား။ ဒီတော့ စာကြည့် တိုက်မှူး တစ်ယောက်ကို သုံးလေး သောင်းလောက်ပေးပြီးခန့်ထားနိုင်တာ ပေါ့။ အချိန်ပြည့်မဟုတ်ရင်တောင် အချိန်ပိုင်းအားဖြင့်တော့ လုပ်ကြမှာ ပေါ့။
နောက်ပြီး ငါက ဆက်ကွန့် လိုက်တာရှိသေးတယ်။ လူငယ်တွေ၊ ကလေးတွေကို အပိုင်းလိုက်၊ ဆယ် အိမ်ခေါင်း၊ နှစ်ဆယ်အိမ်ခေါင်း တာဝန်ပေးပါ။ သူတို့ကို အလှူခံ ဖြတ်ပိုင်းစာအုပ်ကလေးတွေ အပ်ထား ပါ။ လကုန်လဆန်းရောက်ရင် တာဝန် ယူထားတဲ့ အိမ်တွေက လက်ဖက် ရည်ဖိုး အလှူခံကြပါစေ။ ကလေး တွေကိုယ်တိုင် လက်မှတ်ထိုးဖြတ်ပိုင်း ပေးခဲ့ပါစေ။ အဲဒီနည်းနဲ့ ကလေးတွေ ကိုလူရာသွင်းပါ။ လူရာသွင်းမှ လူရာ ဝင်မှာပေါ့။ တာဝန်ပေးမှ တာဝန်သိ မှာပေါ့။ တာဝန်သိတတ်မှ ကိုယ်ကျင့် မြင့်လာမှာပေါ့။ ဟုတ်ဘူးလား။
   နောက်ပြီး လစဉ်မဂ္ဂဇင်းအလှူ ရှင်ကို စည်းရုံးဖို့၊ ငွေရေးကြေးရေး တတ်နိုင်သူတွေထံမှာချဉ်းကပ်ရမှာ ပေါ့။ ဦးဘယ်သူက ဘယ်မဂ္ဂဇင်းကို လစဉ်လှူပါမယ်။ ဒေါ်ဘယ်ဝါက ဘယ်စာစောင်ကို လစဉ်လှူပါမယ် ဆိုတာမျိုးပေါ့။ အဲဒါတွေကိုတော့ စာကြည့်တိုက် မှူးက လစဉ်လိုက်လံ နှိုးဆော်စုဆောင်းရမှာပေါ့။
   တစ်လကို ငွေလေးသိန်း လောက်ရနေရင် စာကြည့်တိုက်မှူးကို တစ်လသုံးလေးသောင်းပေးလိုက်။

                 ကျန်ငွေထဲက ဗီရို၊ စားပွဲ၊ ကုလားထိုင် စသည်အားဖြင့် ပရိဘောဂတွေကို တိုးချဲ့စုဆောင်း လျှပ်စစ်မီးတွေဘာ တွေဆင်၊ ညဦးလောက်ထိ စာဖတ် နိုင်ကြအောင် စီစဉ်ထားပေါ့။ လူငယ်တွေ ဘိလိယက်ခုံ၊ လက်တောက် ဇယ်ခုံ၊ ဘီယာဆိုင်သွားမယ့်အစား စာကြည့်တိုက်မှာ ပျော်မွေ့နေရင် သက်ဆိုင်ရာ မိဘတွေအတွက်ရော၊ ရပ်ရွာလူကြီး မိဘတွေအတွက်ရော စိတ်ချမ်းသာစရာမရပေဘူးလား။
   လက်ဖက်ရည် တစ်ခွက်ဖိုးရဲ့ အမြတ်ဟာ နည်းပါရော့လား။
   လက်ဖက်ရည်တစ်ခွက်ဖိုးလို့ ပြောလိုက်ရတာက တစ်လကို ငွေနှစ် ရာလို့ ပြောရတာထက် နားခံသာ တယ်ပေါ့ကွာ။ နောက်ပြီးလက်ဖက် ရည်ဈေးတက်သွားရင်လဲ လစဉ်ကြေး က လိုက်တက်နိုင်တာပေါ့ ဟုတ်ဘူး လား။
နောက်ပြီး ပြောခဲ့တာရှိသေး တယ်။
     မင်းတို့ဦးဆောင်ဦးရွက်ပြုတဲ့ သူတွေက စာအုပ်တွေဝယ်ရင် မင်း တို့ဖတ်ချင်တဲ့စာအုပ်တွေကိုချည်း လျှောက်ဝယ်မနေနဲ့။ လူကြီးတွေ ဖတ်ချင်တဲ့ ဝိပဿနာတွေ ဘာတွေ လျှောက်ဝယ်မနေနဲ့။ အဲဒါတွေကို သူတို့ဘာသာ ဝယ်ဖတ်လိမ့်မယ်။ စွယ်စုံကျမ်းလို ရည်ညွှန်းကိုးကား စာအုပ်ကြီးတွေကိုလဲ ကြီးကြီးကျယ် ကျယ်လုပ်ပြီး လူအထင်ကြီးအောင် လုပ်မနေကြနဲ့။ အရေးကြီးတာက ရွှေ သွေး၊ တေဇ၊ ပလုတ်တုတ်လို စာအုပ် မျိုးတွေဖြစ်ကြောင်း သတိပြုပါ။
နောက်ပြီး ကလေးတွေစာဖတ် ဖို့ နေရာလေးတစ်ခုထားပေးပါ။ ကောင်းတာကတော့ စားပွဲကုလား ထိုင်တွေထက် ဖျာလေးတွေ ခင်းပေး ထား။ သူတို့ဘာသာ မှောက်လျား ထိုးဖတ်ဖတ်၊ ပက်လက်လှန်ဖတ် ဖတ် စိတ်လွတ်ကိုယ်လွတ်ဖတ်ကြပါ စေ။ အဲ-တံမြက်စည်းတစ်ချောင်း တော့ထားပေး။ သူတို့ဘာသာ သူတို့ တံမြက်စည်းလှဲကြပါစေ။
    ဗီရိုမဟုတ်တဲ့ ကလေးစာအုပ် စင်ကလေး တစ်ခုထားပေးရင် ပို ကောင်းတယ်။ ဖတ်ပြီးရင် အဲဒီစင် ပေါ်မှာ စီစီညီညီထားပေးဖို့ စာရေး ထား၊ ပြောပေးထားပေါ့။
   အရေးကြီးတာက လူကြီးလူ လတ်တွေထက် ကလေးတွေ စာကြည့်တိုက်မှာ ပျော်ရကောင်းမှန်း သိအောင် လေ့ကျင့်ပေးရမယ်။ အဲဒါ ဟာ အလွန်ကို အရေးကြီးတယ်။

အောင်သင်း