ရင်ကွဲ တံခါး ...
အခါးတွေချည်း ထွေးထုတ်လိုက်တာတောင်
ညကစိုပြည်မလာဘူး ... ။
ခပ်ထေ့ထေ့အပြုံးတွေကတော့
နှုတ်ခမ်းတစ်စုံမှာ တွဲလဲခိုလို့ ... ။
နေအခါခါဝင်သွားခဲ့ဖူးတဲ့ ညနေခင်းလေးလို
ဘဝမှာ ...
အကြိမ်ကြိမ် လက်ပြကျန်ရစ် ... ။
မဆုံးနိုင်တဲ့ ပတ်လမ်းထဲမှာမှ
ဆန္ဒများစွာနဲ့ ပျိုးကြဲနေမိသူ ... ။
ငါ ... ဒီဘဝထဲ
အဝေးရောက် တိမ်တိုက်လဲဖြစ်ခဲ့တယ် ... ။
ငါ ... ဒီဘဝထဲ
အေးစက်စက် ညတစ်ညလဲ ဖြစ်ခဲ့တယ် ... ။
ငါ ... ဒီဘဝထဲ
အိပ်ရေးမဝတဲ့ မနက်ခင်းလဲဖြစ်ခဲ့တယ် ... ။
ဒီလိုနဲ့ပဲ ...
ကျောခိုင်းသွားတဲ့ အရိပ်တွေကိုငေးကြည့်ရင်း
ကိုယ့်ရင်ကိုယ် ပြန်စေ့နေရတဲ့
တံခါးတစ်ချပ်လဲ ဖြစ်ခဲ့တယ် ... ။
ကောင်မလေး 13
* Posted by kaungmalay13 on October 1, 2010 at 4:30am
No comments:
Post a Comment