၁။ကောင်းတဲ့အလုပ် ကုသိုလ်ဆိုတာ နေရာတိုင်းမှာ အချိန်တိုင်းမှာ ရှိနေပါတယ်၊ ရအောင်ယူလိုက်ပါ။
၂။မီးဟုန်းဟုန်း တောက်တာက မီးစမီးပွားလေးကြောင့်ပါ၊ ဒေါသမီးစ မထားပါနဲ့။
၃။လောကကို မကျေနပ်လို့ အပြစ်မတင်နဲ့၊ နေတတ်ရင် ကျေနပ်စရာပါ။
၎။သိလျှက်နဲ့ ဆိုးနေတဲ့သူကို သိအောင် ထပ်ပြီး မပြောဝံ့တော့ဘူး။ အမှန်သိစမ်းပါ။
၅။အရွဲ့မတိုက်နဲ့၊ ကိုယ်ပဲ ရွဲ့သွားမယ်။
၆။ဒီ-တခွန်းပဲ ပြောလိုက်ချင်တယ်။ “ဘာမျှ မပြောချင်တော့ဘူး”။
၇။သူများကို မကောင်း ထင်တတ်တယ်၊ ကိုယ့်ကိုယ်ကို အကောင်းထင်တတ်တယ်၊ ထင်ချင်သလို မထင်လိုက်ပါနဲ့။
၈။ဒီနေရာမှာ နွားချည်ထားရင် “နွားရုံ”၊ ဈေးဆိုင်ဖွင့်ထားရင်“ဈေးရုံ”၊ တရားဝေငှယူနေရင်”ဓမ္မရုံ”၊ ကိုယ့်စိတ်ကို “နွားရုံ”မဖြစ်ပါစေနဲ့။
၉။အားလုံးအပေါ် ကျေနပ်နေတာဟာ ကျေနပ်တဲ့စိတ်နဲ့ ကြည့်လို့ပါ။ မကျေနပ်တဲ့စိတ် မမွေးပါနဲ့။
၁၀။နေရာတိုင်းမှာ ကုသိုလ်ရှိတယ်၊ ကုသိုလ်ကို သတိက ပိုင်တယ်။ သတိကို သူတော်ကောင်းက ပိုင်တယ်။
၁၁။လောကကြီးမှာ တရားတွေရှိတယ်၊ ကိုယ်ကြိုက်ရာ ကိုယ်နိုင်သလောက် ယူလိုက်ပါ။
၁၂။သူက ကိုယ်လောက်မသိတာ မဟုတ်ပါဘူး၊ ကိုယ်လို မသိတာပါ။
၁၃။လူကနိုးပြီး ကုသိုလ်ကို မအိပ်စေနှင့်။ လူက အိပ်ရင်တောင် ကုသိုလ်ကို အမြဲနိုးနေပါစေ။
၁၄။ဒီနေရာမှာ အသုံးမကျပေမဲ့ ဟိုနေရာမှာတော့ အသုံးကျသေးတယ်၊ နေရာတိုင်းမှာ အသုံးချလို့ မရခဲ့ရင်တောင် တစ်နေရာရာမှာတော့ အသုံးကျလိုက်စမ်းပါ။
၁၅။သူများ အကြောင်းကို အားလုံး မသိနိုင်ပါဘူး။ အားလုံး သိနိုင်တဲ့ ကိုယ့်အကြောင်းကရော အားလုံးကောင်းပြီလား!
၁၆။“သူများပြလို့ မြင်တာ”နဲ့ “ကိုယ်ကကြည့်လို့မြင်တာ” နှစ်မျိုးရှိတယ်။ မြင်အောင် ကြည့်တတ်ဖို့လိုတယ်။
၁၇။ကိုယ့်အတွက် ကိုယ့်ကိစ္စ၊ သူများအတွက် ကိုယ့်ကိစ္စ၊ တစ်လောကလုံး အတွက် ကိုယ့်ကိစ္စ၊ ကိုယ့်ကိစ္စ ကိုယ်လုပ်မယ်။
၁၈။“မင်း” ဘေးက လူက “မင်းလူ”၊ “င့ါ”ဘေးက လူက “င့ါလူ”၊ “သူ့”ဘေးက လူက “သူ့လူ”၊ အမှန်က “ဘေးလူ“ဟာ“ဘေးလူ“ပါပဲ။
၁၉။ကောင်းတာတွေကို ကြိုးစားလုပ်ရင်းနဲ့ လုပ်သမျှတွေဟာ အကောင်းချည်း ဖြစ်လာရင် “အကောင်းဆုံး“ပေါ့။
၂၀။မျက်စေ့နှင့်မြင်မှသိတယ်၊ နားနှင့်ကြားမှသိတယ်၊ လက်နဲ့ထိမှ သိတယ်၊ ဘာနဲ့ဖြစ်ဖြစ် အားလုံးကို သိရင် ကောင်းတာပေ့ါ၊ သိစရာမလိုတော့ရင် အကောင်းဆုံး။
.....................................
Posted by khineyinwin on April 2, 2011 at 10:30am
No comments:
Post a Comment