ပုံပြင်တွေ ၀ှက်ထားတဲ့ ကျောက်ခဲ

 

အချွန်အတက်တွေနဲ့ ကျောက်ခဲတစ်လုံး

လိမ့်ရတဲ့ အောက်ခံမြေက မာတော့

အချွန်အတက်တွေလည်း ကျိုးခဲ့ပြီ ။

လေကတိုက်စားလို့

အခွံအထပ်ထပ်လည်း ပါးခဲ့ပြီ ။

မလိုအပ်တဲ့ အစိတ်အပိုင်းတွေ

မြေနဲ့လေကို ရောင်းလိုက်တယ် ။

လိုအပ်တဲ့ အစိတ်အပိုင်းကိုတော့

ကျွန်တော်သိမ်းထားလိုက်တယ် ။

ဒီလိုနဲ့ ......................

ကျွန်တော် တဖြည်းဖြည်း ကမ္ထာဆန်လာတယ် ။

ပူလောင်နေပါသလား ။

လက်ဖ၀ါးနဲ့ ဆုပ်ကိုင်ထားပါ ။

သင့်ရဲ့ ကိုယ်ထဲကအပူတစ်ချို့ကို

ကျွန်တော့်ကိုယ်ထဲ စီးဝင်စေပါ့မယ် ။

တစ်ကိုယ်လုံး အေးမြအောင်

မတတ်နိုင်ပေမဲ့ ထိစပ်နေတဲ့နေရာမှာတော့

ကျွန်တော့်ကိုယ်ထဲက အအေးဓါတ်တွေနဲ့

အပူတွေကို နိုင်သလောက်မောင်းထုတ်ပေးပါ့ မယ် ။

ချမ်းအေးနေပါသလား ။

ကောက်ရိုးနဲ့ထင်းခြောက်တွေကို ရှာလာခဲ့ပါ ။

မျက်နှာပြင်ပေါ်မှာ လူမမြင်အောင်

ဝှက်ထားတဲ့ မီးတောက်တွေရှိတယ် ။

ပွတ်တိုက်မှုအားကတော့

သင့်ကြိုးစားမှုအပေါ်မှာ မူတည်ပါတယ် ။

ပူတဲ့အချိန်မှာ အေးမြစေပါ့မယ် ။

ချမ်းအေးချိန်မှာ နွေးထွေးစေပါ့မယ် ။

ဒီလိုနဲ့.................. ................

ကလေးတစ်ယောက် ကျွန်တော့်ကိုကောက်ရသွားတယ် ။

ဂေါ်လီဝယ်ဖို့ မတတ်နိုင်တဲ့ကလေးအတွက်

လုံးဝန်းနေတဲ့ကျွန်တော်က ဂေါ်လီ လုပ်ပေးလိုက်တယ် ။

သူဂေါ်လီရိုက်တယ် ။

ကျွန်တော်နာကျင်တိုင်း

ကလေးငယ်က ပျော်ရွှင်သွားတယ် ။

ဒါပေမဲ့ ကျေနပ်ပါတယ် ။

သင်္ချာဆရာတစ်ယောက်က

ကလေးငယ်ကို စာလာသင်တယ် ။

စာရွက်ပေါ်မှာ တြိဂံတစ်ခုဆွဲပြပြီး

အတွင်းထောင့်၃ခုပေါင်းရင် ဘယ်လောက်ရလဲတဲ့ ။

ကလေးငယ် ခေါင်းကုတ်နေတယ် ။

ဂေါ်လီရိုက်ပျက်သွားပြီ ။

ကျွန်တော်ကလေးငယ်ကို ပြောလိုက်တယ် ။

ခုံးနေတဲ့ ကျွန်တော့်ကိုယ်ပေါ်မှာ

တြိဂံတစ်ခု ဆွဲခိုင်းလိုက်ပါတယ် ။

ပြီးတော့ခုံးနေတဲ့မျက်နှာပြ င်ပေါ်က

တြိဂံရဲ့အတွင်းထောင့်၃ခုပေါ င်းလဒ်နဲ့

ပြင်ညီမျက်နှာပြင်စာရွက်ပေါ် က

တြိဂံရဲ့အတွင်းထောင့်၃ခုပေါ င်းလဒ်မှာ

ဘယ်သူကပိုကြီးပါသလဲ

ပြန်မေးလိုက်ပါလို့ အကြံပေးလိုက်တယ် ။

ကလေးငယ်က ဆရာ့အမေးကိုအမေးနဲ့

ပြန်ဖြေလိုက်တယ် ။

တြိဂံတစ်ခုရဲ့ အတွင်းထောင့်၃ခုပေါင်းလဒ် ၁၈၀ဒီဂရီဆိုတာ

ပြင်ညီမျက်နှာပြင်အတွက်သာ မှန်ကန်တာပါ ။

ပြင်ညီမျက်နှာပြင်မှာပဲတြိဂံဆွဲနေတဲ့သူတွေအတွက်လည်း

၁၈၀ဒီဂရီ ဆိုတဲ့အဖြေက အသားကျနေခဲ့တယ် ။

ဂေါ်လီပေါ်က တြိဂံကို ကြည့်ပြီးတော့

ဆရာလည်း ကလေးငယ်ရဲ့ခေါင်းကိုပွတ်ပြီး

ပြုံးလျက်ထွက်ခွာသွားတယ် ။

ကလေးငယ်လည်း ဂေါ်လီဆက်ရိုက်လို့ရသွားတယ် ။

ဂေါ်လီရိုက်ပြီးသွားတော့

ကလေးငယ်လဲ ကျွန်တော့်ကို မေ့သွားတယ် ။

မြေမှာကျနေတဲ့ ကျွန်တော့်ကို

လူတစ်ယောက်က ဘယ်လက်နဲ့ကောက်ယူသွားတယ် ။

ကျွန်တော်ပါသွားပြန်ပြီ ။

ဘာလုပ်မလဲ စောင်ကြည့်နေတာ

ညာလက်က လျှာနှစ်ခွနဲ့လေးခွ

ပြုံးပြမှပဲ ကျွန်တော်သိရတော့တယ် ။

ကျွန်တော်လောက်စာလုံး ဘ၀ရောက်ခဲ့ရပြန်တယ် ။

သွေးဆာနေတဲ့လူ

လျှာနှစ်ခွနဲ့လေးခွ

ပျော့ပျောင်းသလောက် အဝေးရောက်အောင်ပစ်နိုင်တဲ့ သားရေကြိုး

ကျွန်တော် အထိတ်တလန့် ကြည့်မိတယ် ။

ဦးတည်ချက်က

ကိုင်းဖျားမှာ နားနေတဲ့ငှက် ။

ငှက်ကလေးရယ် မင်းပျံပါတော့

ပစ်တဲ့သူကို မင်းမမြင်ခဲ့ရင်

ငါတရားခံ ဖြစ်တော့မယ် ။

အတောင်နဲ့ငှက်က မပျံဘူး ။

အတောင်မပါတဲ့ ကျွန်တော်က

လေထဲကို ပျံလာပြီ ။

လေထဲမှာလည်း ဆုတောင်းသံတွေညံလို့ပေါ့ ။

ဆုတောင်းပြည့်သွားတယ် ။

ငှက်ကလေးနားနေတဲ့ ကိုင်းဖျားက

ထအော်တယ် ။

ငှက်ကလည်း မထိမှပဲထပျံတယ် ။

ကျွန်တော့်ကိုတောင် ကျိန်ဆဲသွားသေးရဲ့ ။

အဝေးက ပစ်တဲ့သူကိုမှ မမြင်ရတာ

အနားရောက်လာတဲ့ ကျွန်တော့်ကိုပဲ သူမြင်သွားတာကိုး ။

ဒီလိုနဲ့ .......................... ....

ကျွန်တော်ပြုတ်ကျသွားတယ် ။

ခွေးဟောင်သံကြားတော့ ကြည့်မိတယ် ။

ကလေးတစ်ယောက်

မာန်ဖီနေတဲ့ခွေးတစ်ကောင်

ကြောက်တဲ့ကလေးကိုမှ ခွေးကလဲဖြဲခြောက်နေတယ် ။

ကိုက်လိုက်ရင် ဒုက္ခ

လူတစ်ယောက်က ကျွန်တော့်ကိုတွေ့သွားတယ် ။

ပစ်လိုက်ပြီ ခွေးဆီကို

ဒီတစ်ခါတော့ ကျွန်တော်ဆုတောင်းတယ်

ထိပါစေလို့ ။

ဆုတောင်းပြည့်သွားပြန်တယ် ။

ဂိန်ကနဲမြည်သံနဲ့အတူ ခွေးထွက်ပြေးသွားတယ် ။

ကြောက်ရွံ့မှုကြောင့်

ကလေးငယ်ရဲ့ ကျယ်လောင်နေတဲ့ရင်ခုန်သံကို

ကျွန်တော်ကြားနေရတယ် ။

သူကျွန်တော့်ကို ကျေးဇူးတင်တဲ့အကြည့်နဲ့ကြည့် တယ် ။

ပြီးတော့.................. ...................

သူနဲ့အတူ ခေါ်ဆောင်သွားတယ် ။

အိမ်ရောက်တော့ ကျွန်တော့်ကို

မှန်ငါးကန်လေးထဲထည့်လိုက်တယ် ။

အေးချမ်းလိုက်တာ

ကြည်လင်နေတဲ့ရေ

ကူးခတ်နေတဲ့ငါး

ငြိမ်သက်နေတဲ့ကျွန်တော်

ဖြာဆင်းနေတဲ့ နေရောင်ခြည်

ကြည်နူးနေတဲ့ ကလေးငယ်ရဲ့ မျက်ဝန်းတစ်စုံ ။

ကလေးငယ် အစာကျွေးတော့

ငါးကလေးတွေ အလုအယက်စားကြတယ် ။

နောက်တော့ ကလေးငယ် ခရီးထွက်သွားတယ် ။

ငါးကလေးတွေကို အစာကျွေးမယ့်သူ မရှိတော့ဘူးပေါ့ ။

နေရောင်ခြည်နဲ့ ကျွန်တော်တိုင်ပင်ပြီး

ကိုယ်ပေါ်မှာ ရေညှိတွေကို ဖန်ဆင်းလိုက်တယ် ။

ငါးကလေးတွေရယ်

အစာဝအောင် ငါတတ်နိုင်မှာမဟုတ်ဘူး ။

အစာပြေအောင်တော့ အတတ်နိုင်ဆုံး ဖန်တီးပေးပါ့မယ် ။

ကျွန်တော်နဲ့နေရောင်ခြည် နှစ်ယောက်ပေါင်းပြီး

ဆာလောင်မှုတွေကို လိုက်သတ်နေကြတယ် ။

ကလေးငယ် ပြန်ရောက်လာမယ့် အချိန်ထိပေါ့ ။

တိတ်ဆိတ်တဲ့ညမှာ

လူတွေကအိပ်ပျော်နေတယ် ။

အိပ်မရတဲ့ကျွန်တော်က

ငါးကလေးတွေရဲ့ ညတေးသံကိုနားထောင်ပြီး

ကိုယ့်ကိုယ်ကိုဘာသာပြန်နေမိ တယ် ။

ကျွန်တော် မြေနဲ့ မိတ်ဖွဲ့ခဲ့တယ် ။

ရေနဲ့လဲ အကျွမ်းဝင်ခဲ့ပြီ ။

လေပေါ်မှာလဲ လမ်းလျှောက်ခဲ့ဘူးတယ် ။

မီးတောက်တွေလဲ ဖန်ဆင်းပြခဲ့တယ် ။

မြေ ... ရေ ... လေ ... မီး

ဓါတ်ကြီးလေးပါးနဲ့ တည်နေတဲ့လောက

ကျွန်တော် သူတို့ကို မှီနေခဲ့တယ် ။

ပြီးတော့ .......................... ..

သူတို့လဲ ကျွန်တော့်ကို ပြန်မှီနေကြတယ်လေ ။

ရှေ့ဆက်ပြီး ဘယ်ကိုဆက်လိမ့်ရဦးမလဲ

ကျွန်တော်လဲ မသိပါဘူး ။

ခုလောလောဆယ်တော့

ပစ္စုပ္ပန်ငါးကန်လေးထဲမှာ

နေရောင်ခြည်ရဲ့ နွေးထွေးတဲ့သီချင်းသံနဲ့

ကျွန်တော်ရှင်သန်နေတယ် ။

တစ်ခါတစ်လေ အတွေးတွေနဲ့

ကျွန်တော်အိပ်ပျော်နေတယ် ။

အိပ်မက်ထဲမှာ စကားလုံးတွေနဲ့

စီးချင်း ထိုးတယ် ။

ကျွန်တော်နိုင်ရင် ကဗျာတွေက

လက်ခုပ်တီးကြတယ် ။

ကိုယ်ပေါ်မှာ ရေညှိတွေ အထပ်ထပ်

ငါးကလေးတွေကလဲ ကူးခတ်လျက် ။ ။


( သန်းထွန်းလင်း )

Posted by သန်းထွန်းလင်း on July 19, 2010 at 6:00am

 

ကမ္ဘာသစ် စာစုများကို facebook တွင် မိတ်ဆွေ သူငယ်ချင်းများအား မျှဝေလိုပါလျှင် အောက်တွင် ပါရှိသော facebook like icon အား Click နှိပ်၍ အလွယ်တကူ Share လုပ်နိုင်ပါသည်။