လမင်းလေးရေ ...
ကြယ်လေးတွေနဲ့ အလွဲခံပြီးတော့ကို
ငါ နင့်ကို စောင့်နေခဲ့တာပါ ... ။
ဖြေရှင်းချက်တစုံတရာမပေးဘဲ
နင်အဆုံးသတ်လိုက်တဲ့ ညမှာ
ဘယ်တော့မှမရပ်တဲ့ အလွမ်းတွေ ...
သည်းနေအောင် ရွာခဲ့ ... ။
ဟယ်လို ...
တစ်ခုခုတော့ပြောခဲ့ပါ
မုန်းရင်လဲမုန်းသွားတဲ့အကြောင်း ... ။
ဟယ်လို ...
တစ်ခုခုတော့ ပြောခွင့်ပေးပါ
နင့်အပေါ်ယုံကြည်ခြင်းတွေ
ခြေထောက်အောက်မှာခုပြီး
ငါ့နှလုံးသားကို ကြိုးစင်တင်လိုက်တဲ့အကြောင်း ... ။
အချစ်ဆိုတာ ..
ရာသီလိုက်ပွင့်တဲ့ပန်းတွေလို
အပြောင်းအလဲမြန်တတ်သလား ... ။
ငါ့ရဲ့စိုးရိမ်မှုတွေသာ
မွန်းကြပ်စေမှန်း သိခဲ့ရင်
ငါသိုသိုသိပ်သိပ်လေး အလောင်ကျွမ်းခံခဲ့ပါတယ် ... ။
အခုတော့ ..
မျှော်လင့်ခြင်းပန်းလေး အသက်မဝင်ခင်တည်းက
အလွမ်းတွေ ကြိုပွင့်နေကြပြီ ... ။
ဟယ်လို ...
အသက်မဲ့သွားတဲ့ ဖုန်းနံပါတ်လေးကို
ငါ့ဘယ်ဘက်ရင်အုံမှာ
တခုတ်တရသိမ်းထားဆဲ ... ။
ဟယ်လို ...
နင်မကြားနိုင်လဲ ထပ်ပြောလိုက်ပါရစေ
ငါ့ရဲ့လမင်းလေးရေ ...
ကြယ်လေးတွေနဲ့အလွဲခံပြီးတော့ကို
ငါ နင့်ကို စောင့်နေဆဲပါ ...
အလွမ်းတွေရွာနေတဲ့ ညတွေမှာပေါ့ ... ။
ကောင်မလေး 13
Posted by kaungmalay13 on June 28, 2010 at 4:05am
No comments:
Post a Comment