အိပ်တန်းမဲ့ အိမ်လွမ်းစိတ်များ

နယ်မြေသစ်တစ်ခုသို့

ပျံသန်းခွင့်ရရှိတဲ့

နေ့ရက်တစ်ခုဆီတုန်းကတော့

မိုးလုံးပြည့်စိတ်ကူးတွေနဲ့

ငါ့မှာ...ရင်ခုန်ပျော်ရွှင်လိုက်ရတာ။

တိတ်ဆိတ်တည်ငြိမ်တဲ့ အိပ်ခန်းဆောင်တွေမှာ

ပင်ပန်းမှုတွေမရှိဘူး

ငါ...ထင်ခဲ့တယ်။

ခံ့ညားခိုင်ကျည်တဲ့ အထပ်မြင့်အိမ်အတုမှာ

အတိတ်တွေမေ့ထားနိုင်မယ်

ငါ...ထင်ခဲ့တယ်။

သေသပ်သစ်လွင်တဲ့ ခေတ်မီမြို့အသစ်တစ်ခုမှာ

အပြုံးတုတွေမပွင့်ဘူး

ငါ...ထင်ခဲ့တယ်။

ငါဟာ...အကောင်းမြင်စိတ်တွေချည်းရွေးချယ်ဝတ်ဆင်လို့

ကမ္ဘာသစ်တစ်ခုဆီချီတက်ခဲ့။

ဆိုက်ရောက်ခဲ့ပါပြီ...

ငါ...မျှော်လင့်ခဲ့တဲ့ကမ္ဘာ

ငါ...မျှော်လင့်ခဲ့တဲ့မြို့။

ခြေစုံရပ်မိတာနဲ့

မြေပြင်ကသိမ့်ကနဲတုန်

ငါ...ကြက်သီးဖြန်းဖြန်းထမိတယ်။

ကြီးကျယ်ခမ်းနားတဲ့ အမြင်သစ်တွေကြား

ငါ့မှာ အားငယ်လိုက်ရတာ။

ငါ့ဘေးနားမျက်ဝန်းသေတွေနဲ့ ဖြတ်သွားဖြတ်လာတွေ

လူတွေလား ဒါမှမဟုတ်

စက်ရုပ်တွေလား ဝေခွဲလို့မရ။

သေချာတာတွေကတော့

ဟောဒီမြို့မှာ...

မိဘမေတ္တာဆိုတာ မရှိဘူး

မွှေးပျံ့တဲ့ချစ်ခြင်းရနံ့ဆိုတာ မရှိဘူး

ပွင့်လင်းဖော်ရွေတဲ့သူငယ်ချင်းဆိုတာ မရှိဘူး

ငါနဲ့ ပတ်သက်သမျှဘာတစ်ခုမှမရှိတော့တဲ့

ငါ့ရဲ့ပြင်ပ။

အထီးကျန်ဆန်ခြင်းက ကြိုဆိုတယ်

ထိတ်လန့်စိုးရွံ့ခြင်းက ကြိုဆိုတယ်

ဘာသာစကားအခက်အခဲက ကြိုဆိုတယ်။

ငါ့အတွက်...

Globalization ဆိုတဲ့ ဆေးတစ်ခွက်ကလဲ

ဆန္ဒနဲ့အာသီသတွေကို ရာခိုင်နှုန်းပြည့်

မဖြည့်နိုင်တော့။

သွေးသားအပြည့် အိမ်လွမ်းစိတ်

အတွေးစိတ်ကူးအပြည့် အိမ်လွမ်းစိတ်

၂၄နာရီအပြည့် အိမ်လွမ်းစိတ်

မြန်မာ့အနံ့အသက်တွေကို ဆာလောင်သမျှ

ငါ...ဘာမှမတတ်နိုင်ခဲ့ဘူး။

အဲဒီအိမ်လွမ်းစိတ်တွေပေါ့

ငါတာဝန်ထမ်းဆောင်ရာ

The Grand Hyatt ဟိုတယ်ကြီးလိုပဲ

ဘယ်တော့မှ အိပ်စက်ခြင်းမရှိဘူး။


*Qatar နိုင်ငံ The Grand Hyatt ဟိုတယ်တွင် Housekeeping အဖြစ်
တာဝန်ထမ်းဆောင်နေသော သူငယ်ချင်းတစ်ယောက်၏ခံစားချက်
တစ်ချို့ကိုစိတ်ကူးယဉ်ရေးဖွဲ့ထားခြင်းမျှသာဖြစ်ပါတယ်။

Posted by ဘုန်းမြင့်ငြိမ်း on December 26, 2009 at 4:06pm


ကမ္ဘာသစ် စာစုများကို facebook တွင် မိတ်ဆွေ သူငယ်ချင်းများအား မျှဝေလိုပါလျှင် အောက်တွင် ပါရှိသော facebook like icon အား Click နှိပ်၍ အလွယ်တကူ Share လုပ်နိုင်ပါသည်။