သန္ဒိဋ္ဌိက ဓမ္မလမ်းစဉ်

*** ကျေးဇူးရှင် ဝေဘူဆရာတော်ဘုရားကြီး ညွှန်ပြတော်မူလေ့ရှိသော သန္ဒိဋ္ဌိကဓမ္မလမ်းစဉ် ***

၁။ ဘုရားအဆုံးအမဖြစ်တဲ့ ပိဋိကတ်သုံးပုံ အကုန်လုံးဟာ * ဆင်းရဲမှလွတ်မှုတစ်ခု* ဖြစ်လို့ နည်းတွေများသော်လည်း အားလုံးအတူတူဘဲ၊ အကုန်လုံးလိုက်ပြီး လုပ်စရာမလိုဘူး၊ အများကြီးထဲက ကြိုက်ရာတစ်ခုကို ၀ီရိယမှန်မှန်နဲ့ သန်သန်လုပ်ဖို့ အရေးကြီးတယ်။

၂။ စရဏ ( အကျင့် ) နဲ့ ၀ိဇ္ဇာ ( အသိ ) တပြိုက်နက်ဖြစ်အောင် လုပ်ရတယ်၊ တစ်ချိန်တည်းမှာ အလုပ်နှစ်ခုပြီးတာ ဒါဘဲရှိတယ်။
( အလုပ်လုပ်ရင်း ရအောင်ရှုပါ )။

၃။ ဘုရားစကား၊ ဆရာ့စကား တစ်ထစ်ချ နာယူ၊ အရာရာ ရိုသေ၊ ကိုယ့်ကို နှိမ်ချ၊ ခန္တီနဲ့ မေတ္တာများများထားပြီး လုပ်ရတယ်။

၎။ * ၀ိပဿနာတရား * ဆိုတာ ထင်ရှားတဲ့တရားကို မြင်အောင် ရှုမှတ်ခြင်းဖြစ်တယ်၊ ထင်ရှားရှိတဲ့တရားကို မြင်အောင် မရှုနိုင်ရင် ၀ိပဿနာမဖြစ်ဘူး။

၅။ ထင်ရှားတဲ့ တရားဆိုတာ တခြားမှာသွားပြီး ရှာရတာမျိုးမဟုတ်၊ ရှောင်မရ၊ တိမ်းမရ မမြင်ချင်လို့ မနေရအောင် ကိုယ်မှာ အမြဲထင်ရှားရှိနေတဲ့ ရုပ် နာမ်တရားတွေဘဲဖြစ်တယ်။

၆။ ကိုယ်မှာ အမြဲထင်ရှားရှိတဲ့ ရုပ် နာမ် တရားတွေထဲမှာ လူတိုင်းနားလည် လွယ်ကူတာဟာ * အာနာပါန * ၀င်လေ ထွက်လေ ရှုမှတ်မှုဖြစ်တယ်။

၇။ * ထွက်လေ ၀င်လေ * ဆိုတာ အမိဝမ်းမှာ မွေးကတည်းက သေသည်အထိ အမြဲမပြတ် တရစပ် ရှိနေတဲ့ တရားသဘော ဖြစ်တယ်။ အလုပ်လုပ်နေရင်း၊ စကားပြောနေရင်း၊ စာကျက်နေရင်း၊ အိပ်ပျော်နေရင်းလည်း ရှိနေတာဘဲ။

၈။ ထွက်လေ ၀င်လေဟာ အမြဲမပြတ်ရှိနေသော်လည်း အမှတ်တမဲ့နေကြလို့ * သတိမမူ ဂူမမြင် * ဖြစ်နေကြတယ်။ * သတိမူရင် မြူကိုတောင်မြင်ရတယ် * ဆိုတာလို ဂရုစိုက်ပြီး ကြည့်ရှုနေမှ ရှိမှန်းသိကြတယ်။

၉။ * ကြည့် * ဆိုရာမှာ ၀ိပဿနာ ဖြစ်ဖို့ရာအတွက် ထွက်လေ ၀င်လေ ထိရာ နှာဖျားနှာဝမှာ ၀င်တိုင်း ထွက်တိုင်း ရိပ်ရိပ် ရိပ်ရိပ်နဲ့ တထိထဲ တိနေတာကို တသိထဲ သိနေအောင် တရစပ် သိမြင်အောင် ကြည့်ရှုနေရမယ်။ အိမ်အမိုးကိုစပ်အောင် ထူထူမိုးမှ နေပူဒဏ်၊ မိုးရွာဒဏ်ကို ခံနိုင်တယ်။ ( ၂၄ နာရီ အမြဲမပြတ် တစပ်တည်း ရပါစေ )

၁၀။ တစ်ရက် ၂၄ နာရီ တစပ်တည်းရလျှင် အလွန်သိသာပါတယ်။
( နိသဇ် = လျောင်းစက်၍ မအိပ်သော၊ ဓုတင် = အကျင့်ကိုဆောင် ) ဘုရားဆုံးမတာ မှန်သမျှ ဆင်းရဲအောင် မဆုံးမဘူး၊ ချမ်းသာဖို့ချည်းပဲ။ ဘုရားလက်ထက်က နိသဇ်ဆောင်တဲ့ပုဂ္ဂိုလ်များ ပိုပြီးတော့တောင် အသက်ရှည်ကြ၊ ကျန်းမာကြတယ်။
အိပ်ချင်လို့ အိပ်ရင် တစ်သံသရာလုံး နိုးတော့မှာ မဟုတ်ဘူး။ အိပ်ချင်ရင် မအိပ်ချင်တဲ့ နေရာရှိတယ်။ အဲဒီကို ရောက်အောင်သွား။

၁၁။ ထိတာကို သိနေရင် သိက္ခာသုံးပါး၊ မဂ္ဂင်ရှစ်ပါးမှအစ ဗောဓိပက္ခိယတရား ၃၇ ပါး၊ ပိဋိကတ်သုံးပုံ အလုံးစုံ တစ်ပြိုက်နက် ပါဝင်ပြီးဖြစ်တယ်။

၁၂။ ထိတာဟာ ရုပ်သဘောဖြစ်တယ်။ သိတာဟာ နာမ်သဘောဖြစ်တယ်။

၁၃။ တရိပ်ရိပ်နဲ့ ထိတိုင်း၊ ပျောက်တိုင်း ( ရုပ် နာမ် ) ဖြစ်မှု ပျက်မှုတွေ ဖြစ်ပျက်ပြီးနေခြင်းဖြစ်တယ်။

၁၄။ တရိပ်ရိပ်နဲ့ နှာဖျားဝမှာ ထိလိုက်၊ ပျောက်လိုက်နေတာတွေကိုသာ တစ်ဆက်တည်း သိမြင်အောင် ကြည့်ရှုနေရင် ကြာရင် ၀ိပဿနာ သမာဓိ တစ်စထက်တစ်စ၊ တစ်ခဏထက် တစ်ခဏ တိုးတက်ပြီး အားကြီးလာတဲ့အခါ နှာဖျား နှာဝတွင်သာမက ခန္ဓာကိုယ်မှာလည်း အလိုလို တရိပ်ရိပ်၊ တရွရွတွေ ဖြစ်ပျက်နေတာကို တွေ့ရမယ်။

၁၅။ တစ်ကိုယ်လုံး တရိပ်ရိပ်၊ တရွရွ အမြဲမပြတ် ဖြစ်ပျက်နေတာကို တွေ့လာရတဲ့အခါ ( အနိစ္စကို ကောင်းစွာမြင်သာသောကြောင့် ) ဒုက္ခနဲ့ အနတ္တဟာ အလိုလိုထင်မြင်လာလိမ့်မယ်။ ပါးစပ်ကဆိုနေဖို့ မလိုဘူး။ ၀ိပဿနာအလုပ်ဟာ ထိမှုကို ကြည့်နေသိနေရုံသာ ဖြစ်တယ်။ ကြည့်ရှုနေရင်း ရှုမှတ်နေရင်း သိထိုက်သမျှကို အလိုလို တစ်နေ့ထက် တစ်နေ့ တိုးပြီး တိုးပြီး သိလာလိမ့်မယ်။

၁၆။ အဲဒီလို တရိပ်ရိပ်နဲ့ သိမှု၊ သိမှုတို့ကို ကြည့်ရှုနေရင်း မဂ်ဥာဏ်၊ ဖိုလ်ဥာဏ် ဆိုက်လာပြီဆိုရင် အလွန်သိသာလှပါတယ်။ ဘယ်လို သိသာသလဲဆိုတော့ * ရေငတ်၍ နေသောသူသည် ရေကို သောက်ရသည်ရှိသော် ရေငတ်ပြေသကဲ့သို့ * ဖြစ်သွားတော့တယ်။ သူများ မေးစရာမလို ကိုယ်တိုင်သိမယ် ( သန္ဒိဋ္ဌိကော )။
( သန္ဒိဋ္ဌိကော - ချမ်းသာအစစ်ကို ကိုယ်တိုင်လက်ငင်း တွေ့နေရတယ်။ )

၁၇။ မဂ်ဥာဏ်၊ ဖိုလ်ဥာဏ်ကို ရပြီး၊ ရောက်ပြီးလို့ ဖလသမာပတ်ကို ၀င်စားချင်ရင် မိမိလာခဲ့ဖူးတဲ့ ၀ိပဿနာလမ်းကို ပြန်ကြည့်ရတယ်။ ဖလသမာပတ်ဟာ ကိုယ်ပိုင်အိမ်နဲ့ တူတယ်။

၁၈။ ယုံယုံကြည်ကြည် လုံ့လ ၀ီရိယရှိရှိနဲ့ ထိမှု၊ သိမှုတို့ကိုသာ တစ်ဆက်တည်းဖြစ်အောင် ကြည့်ရှုနေ၊ ထွေလီကာလီတွေကို လိုက်မလုပ်နဲ့။ အခုလုပ်၊ အခုမီးငြိမ်း၊ အခုချက်ချင်းပဲ ချမ်းသာတယ်။ ( အကာလိကော )
(အကာလိကော - ကာလမခြားအကျိုးရှိတယ်။ )

...ကျေးဇူးရှင်ဝေဘူဆရာတော်ဘုရားကြီး. ဦးကုမာရညွှန်ပြတော်မူလေ့ရှိသော သန္ဒိဋ္ဌိကဓမ္မလမ်းစဉ် ချမ်းသာအစစ်ကို ကိုယ်တိုင်လက်ငင်းတွေ့ရမည့်အချက်(၁၈)ချက်ကို ကြည်ညိုရတာ ရှင်းရှင်းလင်းလင်းနဲ့ မှတ်သားရတာ လွယ်ကူလို့ ကျွန်မတို့ရဲ့ လက်တွေ့ဘ၀တွေမှာ လိုက်နာကျင့်သုံးနိုင်အောင် ကမ္ဘာသစ် ဓမ္မမိတ်ဆွေများ.သူငယ်ချင်းများအတွက် မျှဝေပေးလိုက်ပါတယ်..

...ဆရာတော်ဘုရားကြီး၏ ဆုံးမသြ၀ါဒအတိုင်း လိုက်နာကျင့်ကြံနိုင်ကြပြီး ချမ်းသာအစစ်ကို တွေ့ရှိကြပါစေ...

မေတ္တာဖြင့်...

Posted by ayeayemoemeeku on January 18, 2010 at 4:00am 


ကမ္ဘာသစ် စာစုများကို facebook တွင် မိတ်ဆွေ သူငယ်ချင်းများအား မျှဝေလိုပါလျှင် အောက်တွင် ပါရှိသော facebook like icon အား Click နှိပ်၍ အလွယ်တကူ Share လုပ်နိုင်ပါသည်။